Летась на тэрыторыi ўстановы была ўладкавана пляцоўка для хакея i фiгурнага катання. Аднак у сувязi з умовамi надвор'я сёлетняй зiмой апрабаваць яе не атрымалася: з-за плюсавых тэмператур коўзанку не змаглi залiць. А нядаўна вырашылi з максiмальнай аддачай выкарыстаць пляцоўку ў летнi час i даць новы iмпульс развiццю сямейнага спартыўнага руху ў Акцябрскiм раёне. Прастору пераабсталявалi ў тэнiсны корт. Памер яе — 20 на 40 метраў.
Напракат можна ўзяць ракеткi для гульнi ў вялiкi тэнiс i мячыкi. У школе падкажуць правiлы, пракансультуюць па ўсiх тэхнiчных нюансах.
У дзiцяча-юнацкай спартыўнай школе падкрэслiлi, што гаворка не пра прафесiйны ўзровень гульнi ў вялiкi тэнiс, а пра аматарскi. Але не выключана, што для кагосьцi корт у Акцябрскiм можа стаць пляцоўкай для старту ў вялiкi спорт.
Увогуле ж у мясцовай дзiцяча-юнацкай спартыўнай школе адкрыты тры аддзяленнi: грэка-рымскай барацьбы, лёгкай атлетыкi i бокса. У iх займаюцца 130 юных спартсменаў.
Таксама ў ДЮСШ створаны ўсе ўмовы для актыўнага падтрымання здаровага спосабу жыцця. Акцэнт зроблены ў тым лiку на арганiзацыю сямейнага спорту.
У спектры паслуг — наведванне трэнажорнай, спартыўнай i барцоўскай зал, гульня ў бiльярд, настольны тэнiс, паслугi фiтнесу, аздараўленчае плаванне, саўна. Можна таксама ўзяць напракат турыстычны iнвентар.
Наталля КАПРЫЛЕНКА
«Я разумеў, які цяжкі матэрыял трэба будзе ўвасобіць на сцэне».
Пачнём святочны шопінг, вядома ж, з ёлачкі.
Цяльцам лепш не прымаць паспешлівых рашэнняў.
«Галоўная задача „Беларусь 5“ — паказваць беларускаму гледачу беларускі спорт».
