Вы тут

АЭС стымулюе электраспажыванне і будаўнiцтва электрычных дамоў, катлоў i транспарту


Да 2025 года ў Беларусi плануецца ўвесцi да 1200 МВт новых электрычных магутнасцяў, што супастаўна з магчымасцямi аднаго энергаблока, а каб выраўняць графiкi нагрузкi спажывання электраэнергii, у межах iнтэграцыi АЭС у энергасiстэму ўжо сёлета пачнуць працаваць электракатлы агульнай магутнасцю 916 МВт. Пры гэтым спажыванне дамамi электраэнергii на ацяпленне i гарачае водазабеспячэнне да 2025-га можа дасягнуць 370 млн кВт·г у год, калi захаваюцца штогадовыя тэмпы будаўнiцтва па 3500 кв. м. Пра «электрычныя» перспектывы для Беларусi ад уводу ў эксплуатацыю атамнай станцыi расказалi спецыялiсты.


Электразаправак будзе больш, чым АЗС

Увод у эксплуатацыю Беларускай АЭС прынясе ў краiну новыя тэхналогii, матэрыялы, абсталяванне. Гэта крок наперад, якi дазволiць краiне знiзiць энергаёмiстасць валавога ўнутранага прадукту, павялiчыць сам ВУП i ўкаранiць новыя тэхналогii, лiчаць эксперты эканамiчнай галiны.

У межах уводу прадугледжана 178 мерапрыемстваў, сярод якiх мадэрнiзацыя iснуючых вытворчасцяў i ўвод новых — ад прамысловых да нафтахiмiчных прадпрыемстваў. У прыватнасцi, запланаваныя мадэрнiзацыя i рэканструкцыя «Гроднаазота», Мазырскага НПЗ, Беларускага металургiчнага завода, расказаў Мiхаiл МАЛАШАНКА, намеснiк старшынi Дзяржкамiтэта па стандартызацыi, дырэктар Дэпартамента па энергаэфектыўнасцi:

— Прадугледжваюцца i дадатковыя мерапрыемствы па-за межамi плана. Гэта замена выкарыстання прыроднага газу на электрычныя тэхналогii: ТВЧ-печы ў кавальных цэхах, цэхах апрацоўкi металу, укараненне iндукцыйных печаў, iнфрачырвоных сiстэм абагрэву, замена паравых тэхналогiй электраэнергiяй. Новыя кiрункi можна ўжыць на 20 прадпрыемствах.

У сiстэме ЖКГ гатовыя замясцiць неэнергаэфектыўныя крынiцы, для якiх сабекошт гiгакалорыi складае больш за 100 рублёў. Укаранiць электранагрэў i тэхналогii кампрэсiйных цеплавых помпаў, якiя дазволяць зменшыць кошт гiгакалорыi да 40-50 рублёў, мяркуецца ў тым лiку i на асобных энергакрынiцах, якiя яшчэ працуюць на дровах, вугалi, мазуце.

— З улiкам iснавання льготнага тарыфу для энергакрынiц сiстэм ЖКГ прадугледжваем i ўвод прамога электранагрэву, — дадаў суразмоўца. — Усё гэта дазволiць павялiчыць электраспажыванне ў краiне да 2 млрд 800 млн кВт·г. Аднак гэта не самамэта — перш за ўсё гэта новыя тэхналогii, якiя зрабiлi рэальнасцю электратранспарт у краiне. У Беларусi пакуль каля 240 зарадных станцый, а сёлета iх стане больш чым усiх iснуючых у дзяржаве АЗС.

Больш электраспажывання — вышэйшы ВУП

Чым большае электраспажыванне на душу насельнiцтва, тым вышэйшы ўзровень эканамiчнага i сацыяльнага развiцця краiны, i патэнцыял для павелiчэння спажывання электраэнергii ў краiне ёсць, падкрэслiў Аляксандр МIХАЛЕВIЧ, навуковы кiраўнiк Iнстытута энергетыкi НАН Беларусi:

— Калi электраспажыванне на ўзроўнi 2-3 тысяч кВт·г у год на чалавека, то гэта не дае нiякага росту ВУП. А вось калi гэтая лiчба ад 3 тысяч да 8-10 тысяч, пачынаецца павелiчэнне валавога ўнутранага прадукту. У мiнулым стагоддзi ў межах БССР чалавек выкарыстоўваў каля 5000 кВт·г у год, у сучаснай Беларусi — 3800. Так што развiццё электратэхналогiй — неабходнасць часу.

Яшчэ адзiн патэнцыйны кiрунак для павелiчэння электраспажывання — будаўнiцтва цалкам электрыфiкаванага жылля ў аддаленнi ад цеплатрас i газаправодаў. У гэтым выпадку электражыллё на 15 % таннейшае, бо не трэба пракладваць да будынкаў дарагiя iнжынерныя камунiкацыi, падкрэслiў вучоны.

Раздавай ды правярай

Акрамя павелiчэння выкарыстання электрычнасцi, трэба сачыць i за якасцю яе падачы. Пра рэгуляванне сутачнага графiка спажывання электраэнергii расказаў Уладзiмiр БАБРОЎ, першы намеснiк гендырэктара, галоўны iнжынер Белэнерга.

У начны час у сiстэме, як правiла, глыбокiя правалы па спажываннi, а зранку пачынаецца пiк. Такi перапад быў заўжды, незалежна ад наяўнасцi АЭС у краiне. Тым не менш у межах iнтэграцыi станцыi ў энергасiстэму краiны спецыялiсты прапанавалi шэраг мер для павышэння надзейнай работы ў базавым рэжыме. У прыватнасцi, прадугледжаны ўвод катлоў магутнасцю 760 МВт на электрастанцыях, у тым лiку Бярозаўскай, Лукомскай ГРЭС, а ў астатнiм — на ЦЭЦ i мiнi-ЦЭЦ. Акрамя таго, 156 МВт — на кацельных з вялiкай магутнасцю энергаспажывання ў абласцях краiны. Пры гэтым агульная iх магутнасць 916 МВт датычыцца толькi катлоў на аб'ектах Мiнэнерга, дзе ўжо ўведзена 170 МВт на цеплаэлектрацэнтралях i 26 МВт — на кацельных. Аднак у планах — арганiзацыя магутнасцяў у 1116 МВт.

— Гэта забяспечыць мяккасць праходжання начных правалаў спажывання электрычнай нагрузкi. У гэты час мы разгружаем наша абсталяванне — цеплавыя i электрычныя цэнтралi — да мiнiмуму. А цяпло, якое патрэбна адпусцiць спажыўцу, даграваем на электракатлах, — расказаў Уладзiмiр Баброў. — З'яўленне электракатлоў на буйных ЦЭЦ, якiя, як правiла, знаходзяцца ў межах горада, выпраўляе i экалагiчную абстаноўку. Мы менш палiм, а таксама дадаткова рэзервуем палiва па вiдах палiўна-энергетычных рэсурсаў (ПЭР). У любым выпадку ўсе ЦЭЦ могуць працаваць i на газе, i на вадкiм палiве (мазут, дызель), а цяпер змогуць яшчэ i на электрычнасцi.

Такiм чынам, да адкрыцця першага блока АЭС энергетыкi рэалiзавалi праграму з электракатламi, павысiлi электраспажыванне i стварылi надзейнае рэзерваванне па электрычнай i цеплавой схеме. А вось з арыентацыяй на далейшую работу двух энергаблокаў АЭС запланавана будаўнiцтва пiкава-рэзервовых крынiц, якiя будуць уведзены налета.

Iрына СIДАРОК

Фота аўтара

Выбар рэдакцыі

Грамадства

Шчаслівыя разам, або Формула кахання ад маці шасцярых сыноў

Шчаслівыя разам, або Формула кахання ад маці шасцярых сыноў

Крысціна Пасечнік вырасла ў сям’і цыркавых артыстаў. Дзяцей у такіх сем’ях звычайна раз, два і ўсё. Але ў Бога на яе конт былі іншыя планы.

Грамадства

Жанчыны «Нашай раніцы» на АНТ: лэдзі-бос, жанчына-агонь і дзяўчына-мара

Жанчыны «Нашай раніцы» на АНТ: лэдзі-бос, жанчына-агонь і дзяўчына-мара

Аб тэлебачанні, сям'і, сакрэтах прыгажосці, здароўя і добрага настрою.

Грамадства

Тэст. Беларускія жанчыны: імя ў гісторыі

Тэст. Беларускія жанчыны: імя ў гісторыі

Праверце, ці шмат вы пра іх ведаеце.

Грамадства

Тэлевядучая Кацярына Валовік: Маё шчасце залежыць толькі ад мяне!

Тэлевядучая Кацярына Валовік: Маё шчасце залежыць толькі ад мяне!

Асабісты погляд на тыя каштоўнасці, без якіх немагчыма паўнавартаснае жыццё жанчыны, незалежна ад узросту і статусу.