Вы тут

Вецер з захаду прагонiць халодныя ночы


На выхадныя тэмпературны фон будзе на 2—3 градусы перавышаць клiматычную норму.

Ужо з гэтай суботы ў нас значна пацяплее, паведамляюць спецыялiсты Рэспублiканскага цэнтра гiдраметэаралогii, кантролю радыеактыўнага забруджвання i манiторынгу навакольнага асяроддзя Мiнпрыроды.


У ноч на чацвер было зафiксавана самае халоднае надвор'е ў сёлетнiм лiпенi. У ранiшнiя гадзiны тэрмометры на большай частцы тэрыторыi краiны паказвалi 6—9 градусаў вышэй за нуль.

У суботу надвор'е ў нас будзе знаходзiцца пад уплывам атмасфернага фронту i цёплых няўстойлiвых паветраных мас, якiя распаўсюджваюцца з Заходняй Еўропы. Будзе воблачна з праясненнямi. Уначы месцамi, ранiцай i ўдзень на большай частцы тэрыторыi краiны пройдуць кароткачасовыя дажджы, у асобных раёнах навальнiцы. Вецер прагназуецца паўднёвы ўмераны, пры навальнiцах парывiсты. Тэмпература паветра ўначы складзе ад плюс 8 градусаў да плюс 15, удзень будзе ад плюс 20 па поўначы да 29 цяпла па поўднi краiны. Тэмпературны фон вернецца да клiматычнай нормы, а месцамi будзе на 2—3 градусы перавышаць яе.

Зона ўпэўненага цяпла распаўсюдзiцца i ў наступныя днi. У нядзелю надвор'е ў асноўным вызначыць вобласць панiжанага атмасфернага цiску, якая была сфармiравана ў цёплым паветры. Паменшыцца воблачнасць. Месцамi па краiне, а па Гомельскай i Магiлёўскай абласцях на большай частцы тэрыторыi пройдуць кароткачасовыя дажджы, у асобных раёнах з навальнiцамi. Вецер прагназуецца ўсходнi ўмераны, пры навальнiцах парывiсты. Уначы i ранiцай месцамi магчымы слабы туман. Тэмпература паветра ўначы складзе ўжо 10—17 цяпла. Удзень будзе ад плюс 20 градусаў да плюс 27, па поўднi — да 29 цяпла.

У панядзелак захаваецца ўплыў цёплых паветраных мас. Чакаецца пераменная воблачнасць. Уначы ў асобных раёнах, удзень месцамi, пераважна па паўночным захадзе Беларусi, пройдуць кароткiя летнiя дажджы з навальнiцамi. Тэмпература паветра ўначы складзе 12—18 градусаў цяпла. Удзень будзе таксама цалкам па-лiпеньску — ад плюс 25 да 31 цяпла. Толькi па паўночным захадзе краiны, дзе чакаюцца шчыльныя аблокi, будзе адносна халадней — плюс 19—24 градусаў. Сiноптыкi адзначаюць, што цёплае надвор'е захаваецца аж да пачатку жнiўня.

Сяргей КУРКАЧ

Прэв’ю: cheltv.ru

Выбар рэдакцыі

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...