Вы тут

Рэспубліканскі маладзёжны цягнік «#Беларусь. Моладзь. Натхненне» прыбыў на станцыю Мінск-Пасажырскі


Рэспубліканскі маладзёжны цягнік «#Беларусь. Моладзь. Натхненне», які стартаваў тыдзень таму ў Віцебску, прыбыў на станцыю Мінск-Пасажырскі. Яго ўдзельнікі — актывісты БРСМ — правялі ўрачыстую цырымонію ўскладання кветак да стэлы «Мінск — горад-герой», арганізавалі экскурсію па музеі гісторыі Вялікай Айчыннай вайны, а па завяршэнні ў зале музея адбылася ўрачыстая цырымонія ўручэння сертыфікатаў усім удзельнікам.


Праект Міністэрства адукацыі, Беларускага рэспубліканскага саюза моладзі і Беларускай чыгункі аб'яднаў каля 90 хлопцаў і дзяўчат ад 18 да 31 года з розных рэгіёнаў — таленавітых навучэнцаў, студэнтаў, маладых навукоўцаў, пераможцаў рэспубліканскіх і міжнародных прадметных алімпіяд, стыпендыятаў спецыяльных фондаў Прэзідэнта, спартсменаў, рабочую і сельскую моладзь, удзельнікаў студатрадаўскага руху, валанцёраў. Усяго за тыдзень на аздобленым сімволікай праекта чыгуначным саставе маладыя хлопцы і дзяўчаты праехалі ўсе абласныя гарады і некалькі раённых цэнтраў па маршруце Віцебск — Шклоў — Магілёў — Гомель — Пінск — Брэст — Гродна — Маладзечна — Мінск. Агульная працягласць склала 1413 кіламетраў.

У кожным з пунктаў прыбыцця моладзь правяла сустрэчы з кіраўніцтвам аблвыканкамаў і райвыканкамаў, адкрытыя дыялогі з кіраўнікамі арганізацый, дэпутатамі, лідарамі грамадскіх арганізацый, наведала мемарыяльныя комплексы і знакавыя аб'екты, сустрэлася з ветэранамі Вялікай Айчыннай вайны і працы. Актывісты ўсклалі кветкі да мемарыяльных комплексаў «Буйніцкае поле», «Ала», «Вызваліцелям Пінска», «Брэсцкая крэпасць-герой», да мемарыяльнага комплексу ў гонар вызваліцеляў Маладзечна і да манумента Перамогі ў Мінску. А таксама яны ўдзельнічалі ў дабрачынных і працоўных акцыях, розных трэнінгах, майстар-класах, музычна-патрыятычных канцэртах і спартыўных спаборніцтвах.

Кіраўнік цягніка дэпутат Палаты прадстаўнікоў Нацыянальнага сходу Сяргей СЫРАНКОЎ упэўнены, што такі праект спрыяе развіццю і рэалізацыі грамадска значных ініцыятыў, папулярызацыі маладзёжнага руху краіны, аб'яднанню намаганняў моладзі для рэалізацыі сацыяльна значнай дзейнасці, а таксама падтрымцы таленавітай і адоранай моладзі. «Мы лічым, што тая энергія, якой мы зарадзіліся, наведваючы рэгіёны, размаўляючы з кіраўніцтвам рэгіёнаў, з найлепшымі прадстаўнікамі маладзёжнага асяроддзя, працоўнымі калектывамі, грамадскімі арганізацыямі, — гэты драйв мы пранеслі па ўсёй краіне. Упэўнены, што гэта стане чарговым крокам да далейшай кансалідацыі маладзёжнага асяроддзя».

Дар'я ШЛАПАКОВА

Загаловак у газеце: Зараджаныя эмоцыямі

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.