Вы тут

У Мінску прайшоў гарадскі турнір па пляжным валейболе сярод падлеткаў, з якімі міліцыянеры праводзяць індывідуальную прафілактычную работу


У Мінску на спартыўнай пляцоўцы на Цнянскім вадасховішчы прайшоў гарадскі турнір па пляжным валейболе. Яго ўдзельнікі — хлопчыкі і дзяўчынкі, з якімі міліцыянеры праводзяць індывідуальную прафілактычную работу. Рэгламент турніра ўключаў дзевяць камандаў — па адной з кожнага раёна сталіцы. У іх склад уваходзілі не толькі падлеткі, але і інспектары па справах непаўналетніх. У якасці рэферы выступалі суддзі з фізкультурна-аздараўляльнага цэнтра Савецкага раёна. Турнір праводзіўся ГУУС Мінгарвыканкама сумесна з Мінскай гарадской арганізацыяй БРСМ.


Спаборніцтвы адбываліся па алімпійскай сістэме — гэта значыць, каманда, якая прайграла, тут жа выбывала. На жаль, гульню сапсаваў моцны дождж, які раптоўна наляцеў. Але арганізатары тут жа дамовіліся наконт таго, што турнір будзе завершаны ў спартыўнай зале адной са школ, размешчаных побач.

— Гэтыя мерапрыемствы прымеркаваны да агульнарэспубліканскай міжведамаснай праграмы «Клопат», — расказаў намеснік начальніка аддзела прафілактыкі ўпраўлення аховы правапарадку і прафілактыкі міліцыі грамадскай бяспекі ГУУС Мінгарвыканкама Яўген Абрамовіч. — Яна мае мэтай заняць падлеткаў улетку карыснымі справамі і не дапусціць таго, каб яны парушалі закон і рызыкавалі сваім жыццём і здароўем. Каманды сфарміраваны так, што ў кожную абавязкова ўваходзяць не толькі дзеці, але і адзін інспектар па справах непаўналетніх. Такім чынам яны збліжаюцца ў нефармальнай абстаноўцы, каб падлетак убачыў у міліцыянеры чалавека, які можа прыйсці на дапамогу.

Раённыя каманды спаборнічаюць адна з адной у розных відах спорту. Гэта не толькі пляжны валейбол, але і футбол, і настольны тэніс, і лазертаг, і стральба з пнеўматычнай вінтоўкі.

Тройку прызёраў турніру па пляжным валейболе ўзначаліў Савецкі раён. Прадстаўнікі Фрунзенскага і Цэнтральнага занялі другое і трэцяе месцы адпаведна. Усе яны атрымалі граматы, медалі і сувеніры.

Валяр'ян ШКЛЕННІК

Фота аўтара

Загаловак у газеце: Спорт яднае

Выбар рэдакцыі

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...