Вы тут

Больш за 50 маладых міліцыянераў у Мінску заступілі на службу


У будынку сталiчнай ратушы ўчора сабралася больш за 50 маладых мiлiцыянераў. Усе яны — сёлетнiя выпускнiкi Магiлёўскага iнстытута i Акадэмii Мiнiстэрства ўнутраных спраў. Кiраўнiк ГУУС Мiнгарвыканкама Iван Кубракоў уручыў iм службовыя пасведчаннi i табельную зброю. Так пачаўся першы рабочы дзень у лейтэнантаў мiлiцыi — адразу пасля ўрачыстай цырымонii яны адправiлiся на месцы службы.


Лейтэнант Юлiя Суравец заступае на пасаду ўчастковага iнспектара ў Першамайскiм РУУС сталiцы. Яна скончыла Магiлёўскi iнстытут МУС. Бацька i дзед у Юлii — вайскоўцы. А гэта значыць, што пра асаблiвасцi службы ў сiлавых структурах дзяўчына ведае з першых вуснаў.

— Кожны з нас прайшоў вялiкi шлях, каб атрымаць афiцэрскiя пагоны, — дзелiцца Юлiя. — Што да мяне, то заўжды было жаданне працаваць з людзьмi. А служба ў мiлiцыi дае для гэтага выдатныя магчымасцi. Практыка ў мяне была на месцы будучай службы, дзе i стала канчаткова зразумела, што гэта маё.

Звяртаючыся да выпускнiкоў, Iван Кубракоў зазначыў, што мiнская мiлiцыя — гэта флагман органаў унутраных спраў усёй краiны.

— Тут вельмi цяжка служыць, але ў той жа час вельмi ганарова. Людзi, якiя прайшлi службу ў ГУУС Мiнгарвыканкама, могуць працаваць у любым падраздзяленнi краiны i будуць лiчыцца там найлепшымi супрацоўнiкамi. На iх кладзецца велiзарная нагрузка. I вы гэта адчуеце, папрацаваўшы хоць паўгода.

Iван Кубракоў таксама дадаў, што заўжды сустракаецца з маладымi афiцэрамi.

— Яны ў любы час, папярэдзiўшы свайго кiраўнiка (субардынацыю ў органах унутраных спраў нiхто не адмяняў), могуць прыйсцi да начальнiка ГУУС з нейкiмi прапановамi або праблемамi. Гэтыя супрацоўнiкi будуць праходзiць службу ў розных падраздзяленнях. Лейтэнантам, якiя сёння сабралiся ў ратушы, трэба будзе абараняць нашых грамадзян ад злачынных замахаў. I я ўпэўнены, што яны ўсе да гэтага гатовыя.

Валяр'ян ШКЛЕННIК

Выбар рэдакцыі

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...