Вы тут

Змяненні ў парадак прызнання завінавачанасці безнадзейным доўгам вынесены на грамадскае абмеркаванне


Праект указа, якім плануецца ўнесці змяненні ў парадак прызнання завінавачанасці безнадзейным доўгам і яе спісання, вынесены на грамадскае абмеркаванне на Прававым форуме Беларусі, паведамляе БЕЛТА.


У абгрунтаванні прыняцця гэтага дакумента гаворыцца, што прызнанне безнадзейным доўгам і спісанне завінавачанасці па абавязковых страхавых узносах, што падлягаюць выплаце работадаўцамі і працуючымі грамадзянамі ў бюджэт фонду, пазбаўляе законных правоў грамадзян на фарміраванне імі страхавога стажу, неабходнага для назначэння пенсіі. Права на працоўную пенсію абумоўлена выплатай страхавых узносаў у бюджэт фонду. Памер пенсіі залежыць непасрэдна ад працягласці стажу работы і велічыні заработку, з якога выплачаны названыя ўзносы. Нявыплата работадаўцамі страхавых узносаў за асобныя перыяды работы прыводзіць да змяншэння памераў пенсій у сярэднім на Br7 в месяц за кожны год «страчанага» стажу, а ў асобных выпадках — да пазбаўлення работнікаў права на працоўную пенсію.

На 1 студзеня бягучага года з-за нявыплаты страхавых узносаў у бюджэт фонду ў 43,8 тыс. грамадзян не фарміруецца страхавы стаж за перыяды фактычна адпрацаванага імі часу ў арганізацыях, працуючых у звычайных умовах, ліквідуемых у агульнаграмадзянскім парадку і прызнаных банкрутамі. «У сувязі з гэтым праектам указа прапануецца прадугледзець, што прызнанню безнадзейным доўгам і яе спісанню падлягае завінавачанасць па плацяжах у бюджэт фонду, за выключэннем абавязковых страхавых узносаў», — падкрэслілі ў Міністэрстве па падатках і зборах, спецыялісты якога з’яўляюцца распрацоўшчыкамі праекта гэтага дакумента.

Прызнаваць завінавачанасць безнадзейным доўгам і спісваць яе прапануецца толькі беларускім арганізацыям пры наяўнасці ў сукупнасці вызначаных дакументам абставін. Наступствамі спісання гэтай запазычанасці з’яўляецца спрошчаны парадак ліквідацыі такіх арганізацый. Праект дакумента таксама вызначае парадак прызнання завінавачанасці безнадзейным доўгам і яе спісання для беларускіх індывідуальных прадпрымальнікаў, фізічных асоб, маючых месца жыхарства ў Беларусі, і для іншых выпадкаў.

Як падкрэслілі распрацоўшчыкі праекта ўказа, прыняцце гэтага дакумента не прывядзе да неабходнасці змянення і (або) дапаўнення дзеючых нарматыўных прававых актаў, а таксама распрацоўкі і прыняцця новых.

Арганізатар грамадскага абмеркавання — Міністэрства па падатках і зборах.

Заўвагі і прапановы можна выказаць у спецыяльнай тэме на Прававым форуме Беларусі па 9 жніўня бягучага года або накіраваць на электронны адрас: shsi@nalog.gov.by з паметкай «Абмеркаванне праекта ўказа».

Прэв’ю: rg.ru

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.