Вы тут

Што адбылося за тыдзень у Савеце Рэспублікі


yandex.by

Задачы на перспектыву

Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей РАЧКОЎ сустрэўся з кіраўніцтвам Апарату Прадстаўніцтва Парламенцкага сходу Беларусі і Расіі ў Рэспубліцы Беларусь.

Як паведамілі ў прэс-службе верхняй палаты парламента, сенатар азнаёміўся з асноўнымі кірункамі дзейнасці і кадравым складам Апарату Прадстаўніцтва. Асаблівая ўвага на сустрэчы была аддадзена актыўнаму далучэнню дэпутацкага складу дзвюх палат беларускага парламента новага склікання да работы Парламенцкага сходу Саюза Беларусі і Расіі. Таксама абмяркоўваліся пытанні арганізацыі ўзаемадзеяння Савета Рэспублікі і Апарату Прадстаўніцтва ПС у Беларусі, плануемыя мерапрыемствы і ўдзел у іх беларускіх парламентарыяў.


Не спыняцца на дасягнутым

Прапанавала старшыня Пастаяннай камісіі Савета Рэспублікі па бюджэце, эканоміцы і фінансах Таццяна РУНЕЦ кіраўніцтву Партызанскага раёна сталіцы.

На пасяджэнні адміністрацыі гэтага раёна, у якім прымала ўдзел сенатар, абмяркоўваліся пытанні сацыяльна-эканамічнага развіцця раёна за першае сёлетняе паўгоддзе, разглядаліся вынікі работы са зваротамі грамадзян і юрыдычных асоб за гэты перыяд.

Таццяна Рунец агучыла сваю пазіцыю па пытаннях, якія стаялі на парадку дня: парламентарый засяродзіла ўвагу на неабходнасці нарошчваць аб'ёмы інавацыйнага складніка ў экспарце, будаўніча-мантажных работ і не спыняцца на дасягнутым.

— Для росту валавога ўнутранага прадукту, экспарту і прадукцыйнасці працы патрабуецца выпуск прадуктаў з высокай дабаўленай вартасцю, гэта значыць павелічэнне ў разы прапаноў беларускай прадукцыі ў высокатэхналагічным сектары эканомікі. Такая прадукцыя, як правіла, мае меншую матэрыяла- і энергаёмістасць. Гэта дазваляе вырашыць двухадзіную задачу — знізіць выдаткі ў эканоміцы і павялічыць ВУП, — падкрэсліла яна.


З акцэнтам на жыллё

Старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей СІВЕЦ прыняў удзел у пасяджэнні адміністрацыі Заводскага раёна сталіцы.

На пасяджэнні разледзелі вынікі сацыяльна-эканамічнага развіцця раёна за першае паўгоддзе бягучага года і як сёлета выконваецца праграма па добраўпарадкаванні і эстэтызацыі тэрыторыі Заводскага раёна Мінска.

Сенатар звярнуў увагу прысутных на праблемы, якія датычацца росту запасаў гатовай прадукцыі на складах суб'ектаў гаспадарання, магчымыя спосабы іх вырашэння. Акрамя таго, актыўнае абмеркаванне і дыскусію выклікала пытанне аб своечасовым уводзе ў эксплуатацыю жылых дамоў для грамадзян, якія маюць патрэбу ў паляпшэнні жыллёвых умоў у гэтым сталічным мікрараёне.


Да Форуму рэгіёнаў

Старшыня Пастаяннай камісіі па адукацыі, навуцы, культуры і сацыяльным развіцці Віктар ЛІСКОВІЧ прыняў удзел у тэматычным круглым стале.

«Вялікая размова напярэдадні VІІ Форуму рэгіёнаў Беларусі і Расіі. Кніжныя навінкі, прымеркаваныя да 75-годдзя Вялікай Перамогі ў Выдавецкім доме «Звязда» — цэнтральная тэма мерапрыемства. На ім абмяркоўваліся найважнейшыя аспекты работы па падрыхтоўцы будучага Форуму, якая адбываецца ў цесным кантакце з Саветам Федэрацыі Федэральнага сходу Расіі. Нагадаем, што тэма Форуму, правядзенне якога запланавана на верасень, — «Гістарычная спадчына Вялікай Перамогі як аснова развіцця сацыяльна-эканамічных і духоўных сувязяў народаў Беларусі і Расіі». У праграме — правядзенне пяці тэматычных секцый, пасяджэнне Савета дзелавога супрацоўніцтва, Міжпарламенцкай камісіі Савета Рэспублікі Нацыянальнага сходу Беларусі і Савета Федэрацыі Федэральнага сходу Расіі. Кульмінацыяй па традыцыі будзе пленарнае пасяджэнне, у якім запланаваны ўдзел кіраўнікоў абедзвюх дзяржаў.

— Гэта адна з найважнейшых ключавых падзей 2020 года, прысвечаных 75-й гадавіне Перамогі савецкага народа ў Вялікай Айчыннай вайне, — адлюстраванне паслядоўнага двухбаковага развіцця супрацоўніцтва нашай краіны і Расійскай Федэрацыі, — адзначыў Віктар Лісковіч.

Больш падрабязна аб круглым стале чытайце ў наступным выпуску дадатку «Союз-Евразия».

Загаловак у газеце: Сенатары за работай

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.