19 верасня, субота

Вы тут

Больш за 880 лясных пажараў адбылося ў краіне з пачатку года


Паводле інфармацыі прэс-службы Міністэрства лясной гаспадаркі, сёлета адбылося ўжо 883 лясныя пажары на плошчы больш за 6,5 тысячы гектараў. Нягледзячы на ​​тое, што колькасць узгаранняў з пачатку гэтага года большая, чым за аналагічны перыяд 2019-га, агульная плошча лясных пажараў на адпаведную дату зараз менш. Гэта сведчыць аб тым, што большасць ачагоў узгарання было ліквідавана на ранняй стадыі.


Больш за ўсё лясных пажараў адбылося на поўдні краіны — у Брэсцкай (325) і Гомельскай абласцях (238). Затым ідуць Мінская (135), Гродзенская (85) і Магілёўская вобласці (75). Менш за ўсё ўзгаранняў было на поўначы краіны — у Віцебскай вобласці (25).

Забароны і абмежаванні на наведванне лясоў дзейнічаюць у 25 раёнах Беларусі. Наведваць лес часова забаронена ў Івацэвіцкім, Бярозаўскім і Пружанскім раёнах Брэсцкай вобласці, а таксама ў Шчучынскім раёне Гродзенскай. Абмежаванні дзейнічаюць у Гродзенскім, Свіслацкім і Слонімскім раёнах. Што датычыцца Мінскай вобласці, наведванне лясоў абмежавана ў 14 раёнах: Вілейскім, Маладзечанскім, Крупскім, Мінскім, Смалявіцкім, Бярэзінскім, Уздзенскім, Нясвіжскім, Клецкім, Слуцкім, Старадарожскім, Салігорскім, Любанскім і Стаўбцоўскім. У Гомельскай вобласці абмежаванні ўведзены ў Акцябрскім, Рэчыцкім, Мазырскім і Ельскім раёнах.

Рашэнні аб увядзенні і зняцці забароны на наведванне лясоў прымаюць мясцовыя органы ўлады па хадайніцтве лесагаспадарчых устаноў або раённых аддзелаў па надзвычайных сітуацыях. Абмежаванні ўводзяцца ў выпадку высокага класа пажарнай небяспекі і здымаюцца пры стабілізацыі становішча. Галоўная мэта забаронаў — забяспечыць бяспеку грамадзян, захаванасць іх маёмасці, а таксама ляснога фонду.

Сяргей РАСОЛЬКА

Прэв’ю: regnum.ru

Выбар рэдакцыі

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

Тры кароткія лічбы — 154. Гэта нумар кантакт-цэнтра «Белпошты». Яго набіраюць тыя, хто сутыкаецца з пытаннямі датычна паслуг, якія аказваюць паштавікі. За кожным з такіх званкоў стаіць свая гісторыя.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.