Вы тут

«Для таго, каб сем’і раслі і множыліся, у Беларусі зроблена ўсё»


Надзея НІКІЦІНА, артыстка Гомельскага дзяржаўнага тэатра лялек, пераможца ХІІ Рэспубліканскага конкурсу «Жанчына года-2019» у намінацыі «Мацярынская слава»:


Калі маеш амбіцыі, жаданне рухацца, развівацца, будаваць шчасце сваёй сям’і, то, калі ласка, — на Беларусь.

Я служу ў Гомельскім дзяржаўным тэатры лялек вось ужо 20 гадоў. Але для мяне кар’ера задаецца тады, калі дома — надзейны тыл: спакой, павага, любоў...

Дэвіз маёй сям’і — «Пачні з сябе!». Чакаеш змен ад кагосьці ці незадаволены чымсьці, — пакажы прыклад.

У нас з мужам чацвёра дзяцей, дзве двойні. Два сыны скончылі школу, паступілі на бюджэтныя аддзяленні ў ВНУ. Дзве дачкі — падлеткі, актыўна займаюцца спортам. Жывем мы не ў горадзе, а ў сельскай мясцовасці, у аграгарадку Пакалюбічы, што пад Гомелем. Але гэта не стала перашкодай, каб усебакова развіваць дзяцей. Яны маюць магчымасць наведваць спартыўныя гурткі, секцыі, студыі, школу мастацтваў. І ўсё гэта, як для шматдзетнай сям’і, — бясплатна.

Дочкі сур’ёзна займаюцца спартыўнай акрабатыкай. Адзін з сыноў — на акрабатычнай дарожцы, другі — водным пола. І як маці, чые дзеці дамагліся неблагіх спартыўных поспехаў на міжнародным узроўні, магу сказаць, што ў нашай краіне зроблена ўсё, каб развіваць дзіцячы спорт. Для многіх гэта пуцёўка ў жыццё, трамплін да сур’ёзнай спартыўнай кар’еры. Гэта асабліва важна для дзяцей з раёнаў.

Летась мая сям’я стала лаурэатам ІV Рэспубліканскага конкурсу «Сям’я года — 2019». Такія спаборніцтвы на дзяржаўным узроўні таксама — выдатны матыватар, каб развіваць свае грамадзянскія ініцыятывы, актыўна займацца творчасцю, спортам. І ўсё гэта адной дружнай камандай. З моцных і непераможных сямейных каманд і складаецца моцная, квітнеючая краіна. 

Як любая жанчына, маці, грамадзянка сваёй краіны, я безумоўна за далейшае развіццё! Каб была стабільная падтрымка студэнтаў, навучэнцаў, маладых спецыялістаў, каб аказвалася дапамога маладым бацькам, каб беларускія сем’і раслі і множыліся, на зайзрасць усім.

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.