Вы тут

Крэатыўнае віншаванне


Прадстаўнікі Даўгаўпілскага Цэнтра беларускай культуры й Беларускага культурна-асветніцкага таварыства “Уздым” правялі флэшмоб “Віват Беларусь!” прама ў Генконсульстве Беларусі.


Флэшмоб “Віват Беларусь!” каля Генконсульства Беларусі ў Даўгаўпілсе

Напярэдадні Дня Незалежнасці, 2 чэрвеня 2020 года, супрацоўнікі Даўгаўпілскага Цэнтра беларускай культуры (ЦБК) з актывістамі Беларускага культурна-асветніцкага таварыства “Уздым” правялі флэшмоб “Віват Беларусь!” у Генеральным консульстве Рэспублікі Беларусь у Даўгаўпілсе. У такім нязвычным фармаце беларусы Даўгаўпілса павіншавалі прадстаўнікоў Генконсульства, сваю Бацькаўшчыну са святам. У яркіх народных строях, з паветранымі шарамі ў руках юных удзельнікаў дзіцячай студыі “Скарбніца”, супрацоўнікі ЦБК, чальцы праўлення “Уздыма” прайшліся па сонечных вуліцах горада. 

На тэрыторыі Генконсульства іх гасцінна сустрэлі Яўгенія Барткевіч, якая выконвае абавязкі Генеральнага консула Беларусі ў Даўгаўпілсе, консул Мікалай Раманкевіч, супрацоўнікі дыпустановы. Дырэктар ЦБК й старшыня праўлення “Уздыма” Жанна Раманоўская ў віншавальнай прамове пажадала Рэспубліцы Беларусь “заўсёды быць шчаслівай: мірнай, здаровай, багатай, моцнай і свабоднай”. Спадарыня Жанна ўручыла дыпламатам прыгожыя букеты. Дзеці ж пад апладысменты старэйшых натхнёна праспявалі песню “Беларусь чароўная”. А потым у мірнае блакітнае неба ўзляцелі чырвона-зялёна-белыя шары: у колерах беларускага Дзяржаўнага сцяга.

Беларусы Даўгаўпілса ідуць па вуліцах горада

Потым была пазнавальная экскурсія па будынку Генконсульства, якую правяла Яўгенія Барткевіч. А далей і за кубкам гарбаты працягнулася цікавая гутарка з дыпламатамі.

Марыя Памецька, метадыстка Цэнтра беларускай культуры, г. Даўгаўпілс.

Фота: Ірына Апейнанэ.

Выбар рэдакцыі

Калейдаскоп

5 прычын, з-за якіх сталеюць непаслухмяныя дзецi

5 прычын, з-за якіх сталеюць непаслухмяныя дзецi

Гэта павінен ведаць кожны з бацькоў.