Вы тут

Пакланенне Агню


Нягледзячы на складаную эпідэміялагічную абстаноўку, Іркуцкаму таварыству беларускай культуры імя Яна Чэрскага ўдалося ў чарговы раз зладзіць Жывое Купалле пры Ангары


Тамтэйшы Беларускі клуб “Крывічы” ў асобе Алега Рудакова ў сацсетках шкадуе: “упершыню за 25 гадоў мы не правядзём Купалле”. І сам клуб закрыўся да верасня, пажадаўшы ўсім здароўя ды моцнага імунітэту. І вельмі ўзрадаваліся мы, што актывісты яшчэ адной беларускай суполкі — ІТБК на чале з Алёнай Сіпаковай — усё ж змаглі падтрымаць у Іркуцку Агонь Традыцыі. Алёна даслала здымкі: цудоўныя! “Самае любімае свята ў нас — Купалле, і ну ніяк не маглі мы інакш, хоць у нас — ізаляцыя, і ўсе масавыя імпрэзы забаронены! — напісала ў рэдакцыю. — Мы папрасілі дапамогі Усявышняга ды ў ноч з 23 на 24 чэрвеня ў Іркуцку зладзілі Купалле. Без абвяшчэння. Былі толькі нашы актывісты, якія робяць свята. Усяго — за 40 чалавек: траціна беларусы, а іншыя —даўнія прыхільнікі беларускага Купалля, якія спяваюць беларускія песні, праводзяць гульні. Па фота бачна: гэта моладзь, у асноўным студэнты й выпускнікі народна-харавога аддзялення Вучылішча культуры. Калі б не было ад іх велізарнага жадання правесці свята, і я б не ўзялася. А так было для каго й для чаго старацца. Хлопцы з красавіка мяне даймалі: будзе свята ці не? Цяпер можна сказаць: свята ЁСЦЬ і БУДЗЕ!”

Алёна Сіпакова радуецца, што выйшла ўсё вельмі натуральна й душэўна: “Мы былі ў горадзе. На беразе Ангары знайшлі месцейка, дзе змешаны лес. Там ціха, і не відаць, не чуваць горада. Ноч была цёплая, і вада! Усім спадабалася, і нам з Юляй. (Юлія Пярмінава — адна з актывістак суполкі. — Рэд.) У падборцы ёсць фота, дзе яе малодшы сын і дачка на паляне, і дзе з мужам яны праз вогнішча скачуць”.

Шчасця вам і здароўя, шаноўныя купальцы з берагоў Ангары! Спадзяемся, гэтае Купалле ўсім было толькі на карысць ды на ўмацаванне імунітэту!

Іван Іванаў

Фота: Анастасія Стоцкая

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Палітыка

Аляксандр Лукашэнка: Беларусы былі і будуць адным народам

Аляксандр Лукашэнка: Беларусы былі і будуць адным народам

Прэзідэнцкі прыём праходзіць у Нацыянальным выставачным цэнтры «БелЭкспа».