Сумная навіна, спадарства... Прыйшла, адкуль і не чакалі… У гэта цяжка паверыць, але... Навукоўцы даказалі, што людзі ўсё менш займаюцца сексам. («У СССР сексу не было, але ў кожнай сям'і было па два—чатыры дзіцяці. Цяпер секс ёсць, але практычна ў кожнай сям'і па адным дзіцяці. Выснова: дзеці з'яўляюцца не ад сексу. Усё-ткі буслы...») Больш за траціну амерыканцаў ад 18 да 24 гадоў сцвярджаюць, што за апошні год не займаліся любоўнымі ўцехамі. («Усе гавораць, што добры каханак — гэта той, пасля сексу з якім знясіленая жанчына адразу ж засынае. На самай справе яны — слабакі. У мяне жанчына засынае яшчэ падчас сексу!»)
Так, усё менш маладых амерыканцаў цікавяцца сексам, і псіхолагі адносяць гэта да глабальных трэндаў ХХІ стагоддзя, які адводзіць чалавецтва ў віртуальнасці. («Не, секс у машыне — гэта вельмі некамфортна. Тут сядзенне, тут акно, нагу не выцягнуць. Яшчэ гэта «Перадайце за праезд» увогуле з панталыку збіла».) Асабліва гэта датычыцца мужчын. («— Я сваю меру ведаю. Упаў, значыць, хопіць! — Ты пра алкаголь? — Пра секс».) У 2002 годзе аналагічнае апытанне паказала, што такіх было 19 працэнтаў, а, значыць, за апошнія гады колькасць амерыканцаў, якія не займаюцца сексам, істотна павялічылася. («— Навошта ты ўвесь час пытаешся, калі я з табой ажанюся? — Мне падабаецца бачыць страх у тваіх вачах».)
Далей — болей. Даследчыкі адзначаюць, што ў перыяд з 2000 да 2018 года недахоп сексуальнай актыўнасці вырас сярод жанчын і мужчын ад 25 да 34 гадоў. («Мая дзяўчына гэтага не ведае, але я адкладваю ў канверт па долары кожны раз, калі ў нас з ёй секс. Усё гэта я патрачу на яе на Каляды. Пакуль што ёй свеціць чызбургер».) Даследаванні праводзілі навукоўцы Каралінскага інстытута ў Стакгольме. («Калі вы нацягваеце адну шкарпэтку на левую нагу, другая аўтаматычна становіцца правай. Прычым, імгненна, незалежна ад адлегласці паміж вашымі нагамі. Гэта і ёсць сутнасць квантавай звязнасці».) Яны назвалі і магчымыя прычыны зніжэння сексуальнай актыўнасці. («Ён гаварыў ёй, што кахае яе. Устаўце слова «толькі» ў любое месца гэтага сказа і паглядзіце, як яно змяняе сэнс...») Сярод іх стрэс з-за вучобы і работы, а таксама вялікая разнастайнасць іншых формаў «сольных забаў», напрыклад, тыя ж відэагульні. («Набыццё прэзерватываў, кнігі і шпаталя сведчыць аб нявызначанасці планаў на вечар».) Даследчыкі з 2000 да 2018 года рэгулярна апытвалі адвольна адабраных 10 тысяч мужчын і жанчын ва ўзросце ад 18 да 44 гадоў. («У Адэсе: — Паслухай, Ізя, ты ўжо дарослы самастойны чалавек. Табе 30 гадоў. За цябе такі ўжо даўно ўсё павінна вырашаць твая жонка, а не маці!») Ва ўсіх цікавіліся пра колькасць сексуальных кантактаў за мінулы год і аб колькасці палавых партнёраў. («— Колькі ў цябе дзяўчат было ў плане сексу? — У плане сексу было 150. Але я вельмі-вельмі моцна адстаю ад плана».)
Навукоўцы таксама даведаліся, чаму жанчыны не хочуць займацца сексам. («А вы таксама заўважылі, што з узростам у дзяўчат зніжаюцца патрабаванні да хлопцаў? 10 гадоў: прынц з замкам, 15 гадоў: рок-зорка, 20 гадоў: прыгожы разумны заможны хлопец, 25 гадоў: разумны багаты мужчына, 30 гадоў: гаспадарлівы мужык, 35 гадоў: мужык, 40 гадоў: кот».)
Усё гэта ўстанавілі даследчыкі з універсітэтаў у Глазга і Саўтгемптане ў Вялікабрытаніі: яны знайшлі прычыны, па якіх жанчыны часцей за мужчын аказваюцца незацікаўленыя ў сексе. («Аднойчы я купіла сабе вялікі букет кветак. Прыйдуць, думаю, сяброўкі, спытаюць, маўляў, адкуль, а я толькі загадкава ўсміхнуся... Прыйшла сяброўка: «О! Кветак сабе купіла?») Навукоўцы правялі эксперымент з удзелам 6669 жанчын і 4839 мужчын. У іх даведаліся, як часта яны назіраюць працяглыя перыяды нізкай цікавасці да любоўных уцех (больш за тры месяцы). («Ён завёў сабе за правіла выкурваць пасля кожнага сексу па цыгарэце. Так пакрысе і кінуў...») Аказалася, што гэта назіралі ў сябе 33 працэнты жанчын за апошні год. («— Я разумею, што гэта глупства, што мы знаёмыя ўсяго толькі тыдзень, што я занадта рамантычная і прыспешваю падзеі... Але, можа, расстанемся?») Сярод мужчын гэты паказчык аказаўся ў два разы меншы — 15 працэнтаў. («Прыязджай, — казала яна. — Будзе прыемны паўзмрок, свечкі, віно». Вось так мяне развялі на вянчанне».) Характэрна, што ў мужчын і жанчын былі аднолькавыя прычыны для зніжэння цікавасці да палавых зносін: сексуальны прымус, дэпрэсія, інфекцыйныя захворванні і ўзроставыя змены, паведамляе mеdіkfоrum. («Учора быў у яе дома. Усе сцены абвешаны стрэльбамі для палявання. І што мяне напружвае больш за іншае, гэта тое, што яна мяне пастаянна называе «зайчык»...») Таксама ў жанчын былі і свае індывідуальныя асаблівасці, якія зніжалі іх цікавасць да сексу. Гэта наяўнасць малых дзяцей, цяжарнасць і розны ўзровень сексуальнай актыўнасці ў партнёраў. («Дзяўчына папярэджвае хлопца: — Будзеш сябе дрэнна паводзіць, я за цябе замуж выйду і жыць у цябе застануся».)
Такія яны, навіны... («Думаеце, вы ведаеце, што такое стрэс? У маім дзяцінстве, калі вы прапускалі серыю мульціка па тэлебачанні, вы прапускалі яе назаўсёды. Вось гэта стрэс».) Як думаеце, можа, не спраўдзіцца ўсё гэта?..
Кастусь ХАЦЕЛАЎ-ЗМАГЕЛАЎ
Карэспандэнты «Звязды» разам з супрацоўнікамі ДАІ паназіралі, як мінчане карыстаюцца сродкамі персанальнай мабільнасці.
Больш за 1410 тэматычных канструкцый з’явіцца на вуліцах сталіцы
Праект надзвычай важны сацыяльна, але не толькі…
На прасторах яе вялікасці кнігі.
