Вы тут

Месца для жабкi шукалі жыхары Брэста


У адным з папярэднiх нумароў «МС» я пiсала пра новы тэлеграм-канал кiраўнiка Брэста Аляксандра Рагачука ў кантэксце самакiравання. Старшыня выканкама ледзь не кожны дзень падкiдвае сваiм падпiсчыкам тэмы для абмеркавання. Дык вось прыкладна тыдзень таму мэр горада падзялiўся здымкам новага арт-аб'екта — жабкi.


Жабка пакуль знаходзiцца на адным з камунальных прадпрыемстваў i чакае свайго новага месца жыхарства. Мэр прасiў выказаць прапановы наконт магчымага адраса ўстаноўкi гэтай мiлай скульптуры. А што — выглядае цiкава. Ёсць жа помнiк вераб'ю ў Баранавiчах альбо сабаку ў Пiнску — у нас няхай будзе жабка. Не дзiва, што многiя адгукнулiся на заклiк выказацца.

Праз некалькi дзён мэр падзялiўся лiстамi, якiя паступiлi на электронную пошту выканкама. Гараджане прапаноўвалi пасялiць жабку на набярэжнай каля фантана, на рагу бульвара Касманаўтаў i вулiцы Мiцкевiча. Адзiн падпiсчык выказаўся за тое, каб паставiць яе на вулiцы Войкава каля крамы «На балоце». Дарэчы, назва магазiна ўзялася не з паветра: гэту мясцiну там так называюць вельмi даўно.

Далучаюся да меркавання мэра наконт апошняй прапановы: «Справядлiва». А вось подпiс, на маю думку, можна нанесцi iншы — з улiкам мясцовасцi. У аўтарскiм варыянце арт-аб'екта ён выглядае так: «Задушила многих, а некоторых и сейчас душит». Справа ў тым, што крама «На балоце» працуе ў кругласутачным рэжыме. Паводле слоў знаёмага таксiста, гараджане ў начны час ездзяць сюды «дагнацца». Дык, можа, варта ўспомнiць адпаведны фразеалагiзм ды напiсаць нешта накшталт «Не набiрайся як жаба гразi»?

Святлана ЯСКЕВIЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».