Вы тут

У Кітаі ад чумы памёр мужчына


Хворы на чуму жыхар аўтаномнага раёна Унутраная Манголія на поўначы Кітая памёр у мінулую нядзелю. 35 чалавек, якія ўступалі з ім у цесны кантакт, ізаляваныя, гаворыцца ў паведамленні камітэта па пытаннях аховы здароўя горада Батоў, піша РИА Новости.


Улады патлумачылі, што мужчына памёр 2 жніўня ў хошуне Дархана-Мумінган, лабараторныя тэсты, у тым ліку тэст на нуклеінавыя кіслоты, пацвердзілі, што мужчына хварэў кішачнай чумой.

Пасля правядзення ўсіх аналізаў і эпідэміялагічнага даследавання, спецыялісты ў чацвер сабралі кансіліум, падчас якога прыйшлі да высновы, што прычынай смерці стала знясіленне крывяноснай сістэмы.

Мясцовыя ўлады абвясцілі трэці ўзровень эпідэміялагічнага папярэджання. У адпаведнасці з планам рэагавання на надзвычайныя сітуацыі, звязаныя з распаўсюджваннем чумы ва Унутранай Манголіі, у дзеянне уведзены меры прафілактыкі і кантролю за распаўсюджваннем захворвання.

Да цяперашняга моманту 35 чалавек, якія ўступалі ў цесны кантакт з заражаным, змешчаныя ў цэнтралізаваны каранцін для медыцынскага назірання. У іх не было выяўлена ніякіх сімптомаў захворвання, тэсты на нуклеінавыя кіслоты таксама паказалі адмоўны вынік.

Апроч іншага ў доме, дзе жыў нябожчык мужчына, і ў дамах па суседстве праводзіцца штодзённая дэзінфекцыя.

Улады заклікаюць мясцовых жыхароў праявіць пільнасць, выконваць нормы гігіены, а ў выпадку з'яўлення сімптомаў, уключаючы жар і кашаль, адразу звярнуцца па медыцынскую дапамогу.

Прэв’ю: Сіньхуа

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.