Вы тут

У сталіцы праграміст на працягу паўгода выкрадаў веласіпеды


Як паведамляе ГУУС Мінгарвыканкама, канфіскавана больш за 20 адзінак такой тэхнікі.


Супрацоўнікі аддзела крымінальнага вышуку Партызанскага РУУС г. Мінска з доказамі злачынства затрымалі 42-гадовага мінчаніна. Паводле інфармацыі аператыўнікаў, падазраваны афіцыйна быў працаўладкаваны праграмістам на адным з прадпрыемстваў сталіцы. У вольны час мужчына хадзіў па пад’ездах жылых дамоў, дзе прыглядаў пакінутыя без нагляду веласіпеды. Як правіла, устаноўленыя на іх замкі не спынялі выкрадальніка ад здзяйснення крадзяжу: з дапамогай спецыяльнага абсталявання мінчанін перакусваў іх, а пасля заганяў веласіпед да сябе ў падвал.

Таксама ўстаноўлена, што меркаваную «ахвяру» мужчына высочваў загадзя: назіраў за тым, дзе пакідаюць свой двухколавы транспарт жыхары сталіцы, фатаграфаваў яго і размяшчаў здымак на адным з інтэрнэт-парталаў з прапановай аб продажы. Калі знаходзіліся патэнцыйныя пакупнікі, мужчына вяртаўся на месца і звыклым для яго спосабам выкрадаў веласіпед.

Мінчаніна затрымалі з доказамі злачынства ў момант здзяйснення чарговага крадзяжу. Падчас агляду падвальнага памяшкання дома, у якім пражываў мужчына, праваахоўнікі выявілі 24 веласіпеды, 10 з якіх былі разабраны на запчасткі, і больш за 100 перакусаных веласіпедных замкаў.

Са слоў падазраванага, такім чынам ён планаваў крыху падзарабіць. Сума шкоды ўстанаўліваецца. Вядома, што раней мужчына ўжо прыцягваўся да крымінальнай адказнасці за маёмасныя злачынствы. У праваахоўнікаў ёсць падставы меркаваць, што затрыманы можа быць датычны і да іншых эпізодаў крадзяжу велатранспарту, здзейсненым на тэрыторыі сталіцы.

Сяргей РАСОЛЬКА

Фота з сайта МУС

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.