19 верасня, субота

Вы тут

МТС выступіў інфраструктурным партнёрам нацыянальнай сеткі электразаправачных станцый


Кампанія забяспечыла воблачныя сэрвісы і інтэрнэт-злучэнне для электразаправачных станцый Malanka, якія неўзабаве будуць запушчаны ў камерцыю.


Аб’екты для зарадкі працуюць па ўсёй краіне. Больш за 270 ЭЗС аснашчаны SIM-картамі з паслугай VPN, а платформы кіравання размешчаныя ў «воблаку» аператара.

Інфраструктура аб’ядноўвае ЭЗС на трасах краіны і ў гарадах: на паркоўках побач з бізнэс-цэнтрамі, спартыўнымі і культурнымі аб’ектамі. Аб’екты размешчаны так, каб уладальнікі электракараў маглі камфортна перамяшчацца па краіне. Праект дазволіць развіваць выкарыстанне экалагічнага транспарту ў Беларусі.
Кожная электразаправачная станцыя абсталявана SIM-картамі з паслугай VPN ад МТС, якія забяспечваюць інтэрнэт-злучэнне для маніторынгу звестак аб стане абсталявання. Платформа кіравання аб’ектамі размешчана ў МТС Cloud. 

Акрамя таго, з «воблакам» мабільнага аператара інтэгравана праграма Malanka, якая распрацаваная спецыяльна для ўладальнікаў электракараў. Праграма дазваляе бачыць размяшчэнне бліжэйшых ЭЗС, якія з іх незанятыя, адсочваць працэс зарадкі і якую адлегласць праедзе электрамабіль на зарадзе, які застаўся.
Malanka — першая і найбуйнейшая нацыянальная сетка электразаправак у краіне, створаная кампаніяй «Беларуснафта». Сетка ЭЗС уключае два тыпу станцый — з хуткай і экспрэс-зарадкай. Усталяваныя зарадныя станцыі здольныя абслугоўваць сёння да 9 тысяч электрамабіляў. Да 2022 года плануецца запусціць сетку суперхуткіх заправак, якія дазволяць зараджаць электракар за лічаныя хвіліны. План па маштабіраванні нацыянальнай сеткі разлічаны на сем гадоў.

Надзея НІКАЛАЕВА

Выбар рэдакцыі

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

Тры кароткія лічбы — 154. Гэта нумар кантакт-цэнтра «Белпошты». Яго набіраюць тыя, хто сутыкаецца з пытаннямі датычна паслуг, якія аказваюць паштавікі. За кожным з такіх званкоў стаіць свая гісторыя.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.