Вы тут

Найвышэйшы прахадны бал у Гродзенскім дзяржаўным універсітэце — 344


Як паведамляе прэс-служба ВНУ, ён сфарміраваўся на спецыяльнасці «Лінгвістычнае забеспячэнне міжкультурных камунікацый». 


Усяго на 1088 бюджэтных месцаў у Гродзенскім дзяржаўным універсітэце імя Янкі Купалы прэтэндавалі 2254 абітурыенты.

Прахадны бал на групу спецыяльнасцяў «Міжнароднае права», «Правазнаўства», «Эканамічнае права» склаў 335, на спецыяльнасці «Кіраванне інфармацыйнымі рэсурсамі»- 334, «Мытная справа» - 324.

Запатрабаванымі ў абітурыентаў былі таксама спецыяльнасці «Дызайн (віртуальнага асяроддзя; касцюма і тканін; графічны)», «Эканамічнае права», «Турызм і гасціннасць» , «Выяўленчае мастацтва і камп’ютарная графіка», «Прамысловае і грамадзянскае будаўніцтва», «Эканоміка і кіраванне на прадпрыемстве».
483 абітурыента «купалаўскага» ўніверсітэта маюць агульную суму балаў 300 і больш, 6 абітурыентаў з’яўляюцца пераможцамі рэспубліканскай алімпіяды, 23 — пераможцамі III (абласнога) этапу рэспубліканскай алімпіяды па вучэбных прадметах. 94 абітурыента скончылі падрыхтоўчыя курсы факультэта давузаўскай падрыхтоўкі. І 165 абітурыентаў маюць дыплом з адзнакай або залаты ці сярэбраны медаль.

20 выпускнікоў профільных класаў (груп) педагагічнай накіраванасці сталі першакурснікамі па выніках гутаркі. 

Як падкрэсліваюць у прэс-службе ГрДУ, створаны ў рамках праекта «Лічбавы універсітэт +» сэрвіс «Лічбавая прыёмная камісія» дазволіў сёлета аптымізаваць працэсы падачы дакументаў, інфармавання і дыстанцыйнага кансультавання абітурыентаў. Менавіта дзякуючы яму абітурыенты атрымалі паведамленні аб сваім залічэнні ў студэнты адразу пасля пасяджэння прыёмнай камісіі.

Прыём дакументаў на платную форму навучання працягваецца да 15 жніўня.

Надзея НІКАЛАЕВА

Фота grsu.by

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.