Вы тут

Аляксандр Лукашэнка: Сітуацыя была ноччу напружаная


У сутыкненнях з міліцыяй пацярпелі каля паўсотні грамадзян і 30 праваахоўнікаў.


Пра гэта расказаў Прэзідэнт Беларусі ў размове з дзяржаўным сакратаром Садружнасці Незалежных Дзяржаў Сяргеем Лебедзевым.

«Ноччу хадзілі, бадзяліся, спрабавалі хлапцоў з міліцыі атакаваць і ў асобных момантах атакавалі. Але хлопцы годна выстаялі і адказалі. Ёсць у нас людзі пацярпелыя. Канечне, гэта нязначныя (раненні — «Зв.») — стральбы не было. Але тым не менш адзін аднаму дасталося — і з боку міліцыі, і з боку грамадзянскага насельніцтва. Каля 40-50 чалавек грамадзянскага насельніцтва і каля 30 міліцыянераў пацярпелі. Я думаю, мы гэта перажывем», — паведаміў Аляксандр Лукашэнка.

Ён назваў фэйкамі паведамленні, што ў нейкім горадзе АМАПаўцы склалі шчыты. «Пачынаю ўдакладняць — абсалютная хлусня. Звычайныя, простыя хлопцы кажуць: «Мы краіну на шчыты не складваем. Мы будзем абараняць, наколькі гэта магчыма», — канстатаваў Прэзідэнт.

Па яго інфармацыі «абараняць прыйшлося спакой не толькі мінчан, але і іншых кандыдатаў. Па словах кіраўніка краіны, аб’яднаныя штабы і апазіцыйныя журналісты, усяго каля 60 чалавек, былі сабраны ў адным офісе.

«Мы атрымалі інфармацыю ад іх жа, хтосьці там з галавой сябруе. Яны ўбачылі, што вакол гэтага офіса натоўп сабраўся, вострая сітуацыя. І ад іх хтосьці папрасіў, каб улада іх абараніла. Я даручыў КДБ імгненна самых моцных вайскоўцаў накіраваць негалосна, узяць пад кантроль гэты офіс, каб не дай Бог, не забілі каго-небудзь. Была патрэбна сакральная ахвяра, — працягнуў Аляксандр Лукашэнка. — Мы іх абаранялі ўсю ноч, і зараз кантралюем сітуацыю».

Інфармацыю пра забойства польскага грамадзяніна таксама Прэзідэнт ахарактарызаваў выдумкай.

«Ім патрэбна ахвяра. Вы бачыце, што там школьнікі ёсць 16, 17, 18 гадоў, розныя — куды глядзяць бацькі? Іх жа проста кідаюць на штыкі лялькаводы, а самі хаваюцца за спіны», — дадаў ён.

Прэзідэнт адзначыў, што затрымалі па краіне каля 3000 арганізатараў беспарадкаў, амаль палову з іх у Мінску. «Яны хаваюцца і штурхаюць гэтых. Абкураных, п’яных шмат, з наркотыкамі — жах. Мы кантралюем, каб, не дай Бог, не дапусціць гэтага пажару», — дадаў лідар.

Прэзідэнт паведаміў, што самае небяспечнае, што ўчора 33 участкі ў Мінску блакіравалі натоўпы і яму прыйшлося прыцягнуць ваенных, каб эвакуіраваць камісіі. У тым ліку і з Дому ўрада Цэнтральную выбарчую камісію і Лідзію Ярмошыну.

«Я ўсіх папярэдзіў, і ўлада з гэтым справілася. Ды і тое вельмі мякка адносіліся. Не па законе, вельмі мякка падыходзілі. Яны нейкае УУС ці РУУС хацелі штурмам узяць і публічна сарвалі шлем з хлопца-АМАПаўца і хацелі яго чацвяртаваць. Добра, што паспелі хлопцы з АМАПа і нават, па-мойму, гумавыя кулі прымянілі ў гэты момант, разагналі натоўп. Сітуацыя была ноччу напружаная, але малайцы, міліцыя справілася. Армію і службу бяспекі мы прыцягнулі толькі, каб эвакуіраваць выбарчыя камісіі», — расказаў кіраўнік краіны.

Аляксандр Лукашэнка назваў выбары святам, «якое камусьці захацелася сапсаваць». 

«Мы іх убачылі, яшчэ ярчэй яны засвяціліся гэтай ноччу. Мы адфіксавалі ўсе званкі з-за мяжы — з Польшчы, з Вялікабрытаніі, і з Чэхіі былі апошнія званкі, кіруючы нашымі, прабачце мяне, авечкамі. Яны не разумеюць, што робяць. Адна ж з’ехала кудысьці, ці ў Польшчу, ці то ў Расію. Дзве засталіся. Яны ж не разумеюць, што робяць. Імі пачынаюць ужо кіраваць», — сказаў Прэзідэнт.

Прэзідэнт нагадаў, што ва ўездзе ў Беларусь адмоўлена амаль 180 чалавекам, якія мелі фальшывыя дакументы ці не ведалі, навошта едуць. 

Па словах Прэзідэнта, з-за мяжы адключаюць інтэрнэт, каб выклікаць незадаволенасць насельніцтва. Спецыялісты разбіраюцца, адкуль ідзе блакіроўка. «Калі Інтэрнэт дрэнна працуе, гэта не наша ініцыятыва, а з-за мяжы. То бок дзейнічаюць мэтанакіравана, гібрыдна па ўсіх кірунках. Але мы вытрымаем», — сказаў Аляксандр Лукашэнка.

Марыя ДАДАЛКА

Выбар рэдакцыі

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.

Культура

Драматург Ксенія Шталянкова: Я думала — мяне разарве ад эмацыянальнай перанасычанасці

Драматург Ксенія Шталянкова: Я думала — мяне разарве ад эмацыянальнай перанасычанасці

П'еса, якой адкрыўся фестываль ТЭАРТ, прысвечана Мінскаму гета.

Грамадства

Час памятаць. Жыццёвы шлях Аляксандра Чарвякова — першага кіраўніка БССР

Час памятаць. Жыццёвы шлях Аляксандра Чарвякова — першага кіраўніка БССР

Сто гадоў таму ў верасні—кастрычніку 1920 года вакол беларускіх зямель разыгралася сапраўдная драма — у Рызе паміж Расіяй і Польшчай пачаліся перагаворы аб аддзяленні на карысць апошняй часткі тэрыторый Беларусі.