Праект — частка сеткi метэаралагiчных радыёлакатараў на тэрыторыi Беларусi, якая дазволiць стварыць адзiнае радыёлакацыйнае поле i павялiчыць дакладнасць штармавых прагнозаў, гарантаваць большую бяспеку палётаў грамадзянскай авiяцыi.
Доплераўскi метэаралагiчны радыёлакатар устаноўлены ў аэрапорце Гродна за 18 кiламетраў ад горада i ўяўляе сабой металiчную вежу вышынёй 31,5 метра. Наверсе знаходзяцца круглы модуль i антэна. Кантэйнер мае засцерагальнае зазямленне. Кошт аб'екта даволi высокi — 4,7 мiльёна рублёў, з iх большая частка — затраты на абсталяванне.
Як адзначыў намеснiк старшынi Гродзенскага аблвыканкама Уладзiмiр Дзяшко, надвор'е заўсёды цiкавiць аграрыяў, дарожнiкаў, будаўнiкоў i наогул, усiх жыхароў. З уводам радыёлакатара прагнозы павiнны палепшыцца i стаць больш дакладнымi.
Радыёлакатар дапаможа аператыўна адсочваць i прагназаваць змены надвор'я. З'явiцца магчымасць у рэжыме рэальнага часу атрымліваць iнфармацыю аб месцазнаходжаннi i перасоўваннi вялiкiх воблачных утварэнняў, а таксама ўзнiкненнi зон iнтэнсiўных ападкаў. Можна дакладна фiксаваць зоны небяспечных з'яў, у тым лiку навальнiц, граду, урагану, i сачыць за iх развiццём.
Падчас адкрыцця аб'екта мiнiстр прыродных рэсурсаў i аховы навакольнага асяроддзя Беларусi Андрэй Худык падкрэслiў, што аб'ект доўгачаканы, бо працяглы час метэапрагнозы знаходзiлiся на даволi нiзкiм узроўнi, i гэта выклiкала справядлiвыя нараканнi як з боку ўлад, так i з боку грамадскасцi.
— Доўгiя гады служба Белгiдрамета не задавальняла нашых грамадзян i выклiкала крытыку з боку кiраўнiка дзяржавы. Яго даручэнне якраз i датычылася мадэрнiзацыi службы — ад навучання кадраў да стварэння сеткi сучасных аб'ектаў для назiранняў за надвор'ем, — падкрэслiў Андрэй Худык.
Так была распрацавана дарожная карта мерапрыемстваў на 2018-2020 гады па павышэннi якасцi прагнозаў надвор'я. У адпаведнасцi з ёй, прадугледжаны ўвод у эксплуатацыю метэаралагiчных радыёлакатараў у аэрапортах Вiцебска, Гродна i Брэста. Дарэчы, у Брэсце адпаведны аб'ект мяркуецца ўвесцi ў строй да канца года.
У дарожнай карце запланаваны пуск яшчэ сямi метэаралагiчных станцый, якiя будуць уведзены ў эксплуатацыю ў кастрычнiку гэтага года. Колькасць такiх аб'ектаў з кожным годам павялiчваецца: калi ў 2017-м iх у краiне было 38, прычым толькi палова аўтаматычныя, то да канца 2020-га гэтая лiчба дасягне 70, i ўсе станцыi будуць працаваць у аўтаматычным рэжыме. Толькi за мiнулы год аўтаматычныя метэаралагiчныя станцыi ўведзены ў 15 гарадах, а таксама шэсць дадатковых у Мiнску.
Таксама вядзецца мадэрнiзацыя сетак i абнаўляецца камп'ютарная тэхнiка. Завершана мадэрнiзацыя праграмна-апаратных комплексаў авiяцыйных метэаралагiчных станцый у пяцi абласных цэнтрах краiны. Яны прызначаны для апрацоўкi i перадачы метэаралагiчнай iнфармацыi, праз авiяцыйную станцыю з аэрапорта Гродна ў Белгiдрамет па лiнii сувязi.
Што датычыцца падрыхтоўкi спецыялiстаў Белгiдрамета, то яны павышаюць сваю квалiфiкацыю на базе вучэбных цэнтраў Сусветнай метэаралагiчнай арганiзацыi, удзельнiцай якой з'яўляецца i Беларусь. Акрамя таго, наша краiна — адзiн з бакоў рамачнай Канвенцыi ААН па змяненнi клiмату, удзельнiца Кiёцкага пратакола i падпiсант Парыжскай дамовы. Таму Беларусь не можа заставацца ўбаку ад сусветнай глабальнай акцыi, мэта якой — не дапусцiць у гэтым стагоддзi павышэння тэмпературы паветра на планеце больш чым на два градусы Цэльсiя.
Маргарыта УШКЕВIЧ
Фота Мікалая ЛАПІНА
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
