Вы тут

Антыцыклон «Эмiль» верне прахалоду


Мiнулыя выхадныя выдалiся дастаткова цёплыя. Слупок тэрмометра дасягаў адзнак у 24—30 градусаў. Агульную карцiну псавалi хiба што навальнiчныя дажджы, якiя ў некаторых раёнах былi дастаткова моцныя.

На гэтым жа тыднi спякота адступiць і пахаладанне пачнецца ўжо сёння. Падрабязней пра сiнаптычную абстаноўку паведамiлi ў Рэспублiканскiм цэнтры па гiдраметэаралогii, кантролi радыеактыўнага забруджвання i манiторынгу навакольнага асяроддзя Мiнпрыроды.

У аўторак праз Беларусь будзе перамяшчацца малаактыўны атмасферны фронт. Дзякуючы гэтаму тэмпература панiзiцца ўдзень да адзнак у 19—28 цяпла. Невялiкiя дажджы пройдуць толькi месцамi, ды i тое па поўднi.

А вось у сераду набярэ моц чарговы антыцыклон. Яму далi iмя «Эмiль». Сфармiраваны ён у халаднаватым паветры. Таму, прынамсi да выхадных, надвор'е не будзе адрознiвацца разнастайнасцю. Уначы чакаецца ад 7 да 14 цяпла, прычым 13-га жнiўня будзе ўсяго ад 5 да 10 са знакам «плюс». Затое ўдзень — ад 16 градусаў на паўночным усходзе да 24—25 на паўднёвым захадзе. Ападкаў не прагназуецца.

Валяр'ян ШКЛЕННIК

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.