Вы тут

МУС: У ноч з 11 на 12 жніўня ў краіне былі адзначаны ачаговыя зборы грамадзян у 25 населеных пунктах


Пра гэта паведаміла прэс-сакратар МУС Вольга Чамаданава ў тэлеграм-канале.


У сталіцы і шэрагу буйных гарадоў мелі месца асобныя спробы перакрыцця руху грамадскага транспарту, а таксама факты адкрытага супрацьстаяння органам парадку.

За ўдзел у несанкцыянаваных масавых мерапрыемствах затрыманыя больш за тысячу чалавек. Паводле інфармацыі Міністэрства аховы здароўя па медыцынскую дапамогу звярнуўся 51 грамадзянін. У выніку супрацьпраўных дзеянняў цялесныя пашкоджанні рознай ступені цяжкасці прычынены 14 супрацоўнікам міліцыі і ваеннаслужачым унутраных войскаў, некаторыя з іх шпіталізаваны.

У Мінску прыкладна ў 22:00 па вул. Прытыцкага каля 400 чалавек выйшлі на праезную частку, заблакаваўшы рух транспарту. Праз дваццаць пяць хвілін рух быў адноўлены, натоўп рассяроджаны.

У Жодзіне кіроўца аўтамабіля «Нісан» учыніў наезд на вайскоўца, пасля чаго схаваўся. Пацярпелы з шматлікімі траўмамі дастаўлены ў лячэбную ўстанову.

Усяго за суткі на праваахоўнікаў было здзейснена 5 наўмысных наездаў з выкарыстаннем аўтамабіляў.

У Брэсце на супрацоўнікаў міліцыі напала група агрэсіўна настроеных грамадзян з арматурай у руках. Папераджальныя стрэлы ўверх іх не спынілі. Для абароны жыцця і здароўя супрацоўнікаў зброя была ўжыта на паразу. Адзін з тых, хто нападаў, паранены.

У Жабінцы невядомы кінуў бутэльку з запальнай сумессю ў кірунку службовай машыны, у выніку чаго пад аўтамабілем загарэлася тратуарная плітка.

Следчымі органамі па фактах нападу на супрацоўнікаў распачата 17 крымінальных спраў.

Прэв’ю: БелТА

Выбар рэдакцыі

Грамадства

Ірына Касцевіч: Палепшыць сітуацыю на рынку працы можна не толькі шляхам павышэння пенсійнага ўзросту

Ірына Касцевіч: Палепшыць сітуацыю на рынку працы можна не толькі шляхам павышэння пенсійнага ўзросту

Як пандэмія змяніла рынак працы ў Беларусі і ці атрымалася аднавіць попыт наймальнікаў на рабочую сілу?

Эканоміка

На якіх банкаўскіх укладах заробіш больш

На якіх банкаўскіх укладах заробіш больш

Самыя вялікія працэнты — у рублёвых дэпазітах.