Полчышчы шкоднікаў захапілі больш за 10 тысяч гектараў.
Саранча атакавалв сяльгасугоддзі плошчай звыш 10,3 тысячы гектараў у правінцыі Юньнань (Паўднёва-Заходні Кітай). Аб гэтым паведамілі мясцовыя ўлады, перадае «Жэньмінь жыбаа» анлайн».
Пацярпелі ад нашэсця дзевяць адміністрацыйных адзінак павятовага ўзроўню ў чатырох акругах і гарадах правінцыі, уключаючы горад Пуэр і Сішуанбаньна-Дайскую аўтаномную акругу, заявілі ў правінцыйнай канцылярыі. Павелічэнне плошчы было выклікана другой хваляй міграцыі гэтых насякомых, якая, у сваю чаргу, была абумоўлена прыдатнай тэмпературай паветра.
Мясцовыя ўлады выкарыстоўвалі хімічныя і біялагічныя сродкі, уключаючы распыленне пестыцыдаў з дронаў. Для правядзення гэтай работы былі мабілізаваны звыш 80 тысяч чалавек.
Па словах экспертаў, інтэнсіўнасць міграцыі саранчы на тэрыторыі Кітая паступова слабее, аднак колькасць яе папуляцыі ўсё яшчэ вялікая, і арэал распаўсюджвання шкоднікаў застаецца шырокім.
Фота: agroxxi.ru
На другасным рынку жыллё працягвае таннець (у глабальным плане без перапынкаў) ужо з верасня мінулага года.
25 лютага адзначаецца 150-гадовы юбілей Лесі Украінкі...
Няўжо гэтую цяжкую хваробу так лёгка абвесці вакол пальца?
Мода вясны — 2021 прапануе некалькі глабальных кірункаў: мінімалізм, унісекс і 1990-я.