22 верасня, аўторак

Вы тут

З 1 верасня большасць польскіх школ будзе працаваць у вочным рэжыме


З 1 верасня пасля звязанага з эпідэміяй COVID-19 перапынку большасць школ у Польшчы адновіць работу ў традыцыйнай форме, піша БЕЛТА са спасылкай на «Польскае радыё».


Міністр нацыянальнай адукацыі Польшчы Дарыуш Піянткоўскі заявіў, што ў большасці школ краіны з 1 верасня заняткі будуць праводзіцца традыцыйным спосабам, але міністэрства бярэ ў разлік таксама іншыя формы навучання: дыстанцыйнае і змешанае. Выбар формы будзе абумоўлены эпідэміялагічнай сітуацыяй, звязанай з COVID-19, у рэгіёне. У 19 рэгіёнах з найгоршай эпідсітуацыяй, адзначаных на карце Польшчы жоўтым і чырвоным колерамі, дырэктары могуць, у прыватнасці, мяняць час пачатку заняткаў для розных класаў або дзяліць класы на дзве групы: адна можа наведваць школу, а другая — займацца аддалена.

«Цяперашняя эпідэмічная сітуацыя ў Польшчы дае магчымасць, каб у пераважнай большасці школ, дзіцячых садоў, ясляў можна было аднавіць стандартныя заняткі на аснове прамога кантакту настаўніка з вучнямі», — сказаў міністр.

Дарыуш Піянткоўскі дадаў, што калі пагроза эпідэміі каранавіруса ў той ці іншай установе або ў нейкай з частак Польшчы будзе расці, дырэктар школы можа распарадзіцца аб пераходзе на дыстанцыйнае або змешанае навучанне. Міністр таксама чарговы раз адзначыў, што работа школы ў рэжыме не стацыянарнага навучання, заўсёды будзе часовым рашэннем, паколькі ў большасці выпадкаў дыстанцыйнае навучанне менш эфектыўнае, чым стацыянарнае. Паводле яго слоў, дыстанцыйнае навучанне было ўведзена ў польскіх школах як экстраннае рашэнне на час эпідэміі, як спроба знайсці спосаб, каб вучань не страчваў сувязі са школай.

Паводле апошніх даных, у Польшчы пацверджана 52,9 тыс. выпадкаў заражэння COVID-19, з моманту ўспышкі памерлі 1 821 чалавек.

Прэв’ю: resheto.net

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.