Вы тут

Што адбылося за тыдзень у Савеце Рэспублікі


«Сацыялка» ў фокусе ўвагі

Старшыня Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці Віктар Лісковіч 10 жніўня выказаўся журналісту часопіса «Беларуская думка» наконт асаблівасцяў сёлетняй электаральнай кампаніі, перспектыў развіцця сацыяльнай сферы з улікам тэзісаў, агучаных падчас Паслання Прэзідэнта Рэспублікі Беларусь беларускаму народу і Нацыянальнаму сходу.

Віктар Лісковіч таксама адказаў на пытанні, якія датычацца работы з моладдзю, фарміравання ў яе патрыятызму і адказнай грамадзянскай пазіцыі. Інтэрв'ю апублікуюць у чарговым нумары выдання.

У гэты ж дзень старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці сустрэўся з намеснікам міністра працы і сацыяльнай абароны Аляксандрам Румакам. Грунтоўная размова прадстаўнікоў заканадаўчай і выканаўчай галін улады была прысвечана пытанням сацыяльнай абароны ўразлівых катэгорый насельніцтва, забеспячэння належнага функцыянавання інтэрнатных устаноў у перыяд пандэміі, работы са зваротамі грамадзян. На думку Віктара Лісковіча, сацыяльная абарона насельніцтва заўсёды будзе знаходзіцца ў фокусе ўвагі дзяржавы.

Даць магчымасць працаваць

Старшыня Пастаяннай камісіі Савета Рэспублікі па эканоміцы, бюджэце і фінансах Таццяна Рунец у аўторак прыняла ўдзел у пасяджэнні адміністрацыі Маскоўскага раёна сталіцы.

Выступаючы па пытанні аб рэалізацыі Дэкрэта Прэзідэнта Рэспублікі Беларусь ад 2 красавіка 2015 года № 3 «Аб садзейнічанні занятасці насельніцтва» ў Маскоўскім раёне горада Мінска, парламентарый адзначыла, што работа па забеспячэнні занятасці павінна праводзіцца на ўсіх узроўнях (рэспубліканскім, абласным, раённым, гарадскім) і насіць планамерны характар, — перадае прэс-служба Савета Рэспублікі. «Адна з асноўных задач дзяржавы — даць людзям магчымасць працаваць і сваёй працай забяспечваць свой дастатак», — сказала Таццяна Рунец прысутным на сустрэчы.

Сенатар звярнула ўвагу кіраўніцтва раёна на важнасць аказання кансультацыйнай, метадычнай і прававой дапамогі грамадзянам, не занятым у эканоміцы, для іх працаўладкавання.

Прэв’ю: sovrep.gov.by

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.