Вы тут

Канал «Культура» запусціць у эфір айчынныя радыёспектаклі


Да 95-годдзя Беларускага радыё канал «Культура» запусціць у эфір айчынныя радыёспектаклі, якія былі запісаны ў апошнія гады.


У студыі сталічнага Дома радыё, згадвае дырэктар радыё «Культура» Уладзімір Трапянок, створаныя сотні арыгінальных пастановак і радыёверсій вядомых тэатральных спектакляў, многія беларускія акцёры менавіта дзякуючы радыётэатру атрымалі папулярнасць і народную любоў. «У цяперашнім стагоддзі колькасць радыёспектакляў зменшылася, аднак тыя, што запісваюцца, уваходзяць у катэгорыю здабыткаў сучаснага літаратурна-драматычнага радыёвяшчання», — кажа ён.

Менавіта гэтыя сучасныя запісы ўжо ў верасні пачнуць выходзіць у суботнім эфіры «Культуры» — у межах праграмы «Радыётэатр. Лепшае». Адкрые сезон радыёспектакль «Ігнатаў рубеж» па п'есе Васіля Ткачова, што быў пастаўлены ў 2006-м і прымеркаваны да 20-годдзя катастрофы на Чарнобыльскай АЭС (у ролях — цэлы зорны россып вядомых акцёраў, у тым ліку народныя артысты СССР — Генадзь Аўсяннікаў і Беларусі — Марыя Захарэвіч, Арнольд Памазан, Зінаіда Зубкова). Далей у афішы стаяць пастаноўкі «Паэт і дзяўчына» па п'есе Пятра Васючэнкі, «Крыж» па п'есе Аляксея Дударава і «Пастка» паводле Васіля Быкава. Як і раней, кожны выпуск праграмы «Радыётэатр. Лепшае» цягам месяца будзе дасяжны ў электронным архіве на сайце www.radіokultura.by.

Вікторыя ЗАХАРАВА

Прэв’ю: freepik.com

Загаловак у газеце: Пазнаю я іх па галасах

Выбар рэдакцыі

Грамадства

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

Ці варта засцерагацца ад вяртання анамальнай спякоты? Дзмітрый Рабаў расказаў пра надвор’е на астатнюю частку лета

«Верхавіна лета» прайшла, і ўжо мала хто памятае, што першая дэкада чэрвеня была халаднаватай і з замаразкамі.

Грамадства

Усё што трэба ведаць пра пляжны сезон

Усё што трэба ведаць пра пляжны сезон

У апошнія тыдні на краіну абрынулася небывалая спякота... 

Калейдаскоп

Чым апырскаць памідоры ад фітафторы, калі на іх ужо завязі і кветкі

Чым апырскаць памідоры ад фітафторы, калі на іх ужо завязі і кветкі

Як і любую іншую хваробу, фітафтароз лягчэй папярэдзіць, чым лячыць.

Культура

Беразіно: цэнтр на шляху «з вараг у грэкі»

Беразіно: цэнтр на шляху «з вараг у грэкі»

Радзімазнаўства. Адрасы пісьменства. Сумесны праект Мінаблвыканкама і «Звязды».