Вы тут

Спыніцца і задумацца


Праваахоўныя органы вядуць праверку па факце смерці 25-гадовага хлопца з Гомеля і траўміравання пяцігадовай дзяўчынкі з Гродна. Хочацца верыць, што ўсё высветліцца, што вінаватыя будуць пакараныя. Але ўжо сёння вельмі дакладна ясна адно: малады чалавек быў бы жывы, дзіця было б не спалоханае і не з падрапаным тварам, калі б не тое, што адбывалася на вуліцах нашых гарадоў у апошнія дні.

Колькі нам яшчэ патрэбна жахаў, каб спыніцца — усім без выключэння? Гэта пытанне задае сабе, напэўна, кожны. Адказаць на яго таксама ўрэшце давядзецца нам усім. Пакуль жа мы з адкрытых крыніц сабралі некалькі меркаванняў людзей — вядомых і не вельмі. Проста ўважліва іх пачытайце.


«Я вельмі ганарыўся сваёй краінай, калі мы далі пляцоўку для перамоў Украіне, калі канфліктуючыя бакі селі за стол перагавораў. Тое, што адбывае-
цца ў нас цяпер, — цяжка і балюча для любой краіны. На мой погляд, сёння трэба ўсім спыніцца і пачаць весці дыялог на аснове Канстытуцыі. Таму што самае галоўнае, і гэтаму нас вучыць вопыт суседзяў, — захаванне міру, недапушчэнне чалавечых ахвяр і гвалту. Трэба памятаць, што чалавечае жыццё — найвышэйшая каштоўнасць на зямлі».
(Сяргей КАВАЛЬЧЫК, мастацкі кіраўнік Нацыянальнага драматычнага тэатра імя Горкага).

«Мы талерантны і спакойны народ, заўсёды ўмеем выслухоўваць меркаванні іншых. Мы прыязны народ і такім павінныя заставацца заўсёды. Я ўспамінаю страшны час Вялікай Айчыннай вайны, калі гінулі нявінныя людзі, і не дай Бог, каб такое калі-небудзь давялося ўбачыць нашым дзецям і ўнукам! Тады быў ваенны час, і людзі паміралі кожны дзень. Але цяпер спакойны, мірны час. І не трэба яго руйнаваць уласнымі рукамі, дарагія беларусы! Цяпер — час дыялогу і мірных абмеркаванняў. Мы, старэйшае пакаленне, выступаем за тое, каб краіна развівалася, рухалася далей, але ўсё гэта павінна адбывацца мірным шляхам». (Надзея ЛОСЬ, былая малалетняя вязніца «Азарыч»).

«Мне б вельмі хацелася, каб гэтая сітуацыя ў найбліжэйшы час нармалізавалася, каб на вуліцах нашых гарадоў аднавіўся парадак, мы вярнуліся да звыклага ладу жыцця, маглі спакойна працаваць. Мы ніколі не супрацьстаялі ўнутры грамадства адно аднаму. Таму, якія б розныя пазіцыі ні былі
ў людзей, трэба знайсці адзіны пункт для таго, каб грамадства развівалася далей эвалюцыйным шляхам, а не рэвалюцыйным. Я за мір, за светлую, яркую Беларусь і за брацкія адносіны ўнутры краіны».
(Старшыня беларускага саюза кампазіратаў Алена АТРАШКЕВІЧ)

«Памяркоўнасць, талерантнасць, гуманізм — гэта найлепшыя рысы беларускага нацыянальнага характару, мы спадзяёмся, што розум возьме верх над эмоцыямі, а згода прыйдзе на змену канфрантацыі». (Са звароту Саюза пісьменнікаў Беларусі).

Падобныя цытаты можна доўжыць і доўжыць. Але, калі не ўспрымаеце іх, прыслухайцеся да сябе, да свайго сэрца. Гэта ж насамрэч проста — спыніцца і задумацца. Інакш рызыкуем страціць самае дарагое — саміх сябе, сваіх блізкіх, сваю Радзіму.

Выбар рэдакцыі

Эканоміка

За якія парушэнні могуць прыпыніць работу магазінаў?

За якія парушэнні могуць прыпыніць работу магазінаў?

МАРГ час ад часу прыпыняе работу магазінаў.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...