19 верасня, субота

Вы тут

Фестываль «Наш Грунвальд» адкладзены на няпэўны тэрмін


Міжнародны фестываль сярэднявечнай культуры і музыкі «Наш Грунвальд», які павінен быў прайсці 22-23 жніўня гэтага года на тэрыторыі музейнага комплексу «Дудуткі», адкладваецца на нявызначаны тэрмін. Аб гэтым паведамілі арганізатары мерапрыемства, выбачаючыся перад гасцямі і ўдзельнікамі фэсту.


nashgrunwald.by

«У 2020 годзе нам давялося доўга і дбайна змагацца за фестываль „Наш Грунвальд“. Спачатку — з пандэміяй каранавіруса і закрытымі межамі, пазней — са строгімі мерамі бяспекі і неабходнымі ўзгадненнямі і дазволамі. Мы ведалі, што вы чакаеце фэст, і рабілі ўсе магчымае, каб хутчэй абвясціць яго даты», — зазначыў адзін з арганізатараў фестывалю, кіраўнік экстрым-тэатру «Берсерк» Аляксандр РАК. Паводле яго слоў, дазвол на правядзенне мерапрыемства адзінага ў бягучым сезоне свята гістарычнай рэканструкцыі быў атрыманы літаральна два дні таму. Акрамя турнірнага блоку, у праграме планаваўся ваялікі канцэрт з удзелам вядомых беларускіх музыкаў і калектываў — «Стары Ольса», Irdorath, Gods Tower, «Палац» і іншых.

«Але, як ні шкада нам намаганняў і спадзяванняў, у кантэксце падзеяў, якія сёння адбываюцца ў роднай Беларусі, ні з маральнага, ні з этычнага пункту гледжання не прадстаўляецца магчымасць правесці фестываль „Наш Грунвальд“ у запланаваныя даты», — тлумачаць арганізатары прычыны пераносу мерапрыемства і абяцаюць правесці яго «ў больш дарэчны час».

На сёння «Наш Грунвальд» — найстарэйшы і самы буйны фестываль ваенна-гістарычнай рэканструкцыі ў Беларусі. Ён прысвечаны ваеннай і свецкай культуры, традыцыям нашых продкаў, а адной з ключавых яго падзей заўжды станавілася рэканструкцыя маштабнай сярэднявечнай бітвы — бітвы пад Грунвальдам, што адбылася 15 ліпеня 1410 года паміж Тэўтонскім Ордэнам і саюзнымі войскамі Вялікага Княства Літоўскага ды Каралеўства Польскага. Штогод удзел у фестывалі прымалі больш як 500 прадстаўнікоў клубаў гістарычнай рэканструкцыі, музыкаў, рамеснікаў з Беларусі, Расіі і іншых еўрапейскіх краін.

Вікторыя ЗАХАРАВА

Выбар рэдакцыі

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

«А аднойчы нашу аператарку запрасілі замуж па тэлефоне». Чым жыве кантакт-цэнтр «Белпошты»?

Тры кароткія лічбы — 154. Гэта нумар кантакт-цэнтра «Белпошты». Яго набіраюць тыя, хто сутыкаецца з пытаннямі датычна паслуг, якія аказваюць паштавікі. За кожным з такіх званкоў стаіць свая гісторыя.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.