Вы тут

Навіны спорту


Турнiры серыi Гран-пры па фiгурным катаннi пройдуць згодна з раскладам

Мiжнародны саюз канькабежцаў (ISU) зацвердзiў расклад серыi Гран-пры па фiгурным катаннi на сезон 2020/2021. Такое рашэнне прынялi на анлайн-пасяджэннi савета арганiзацыi.

Плануецца, што першы этап серыi пройдзе з 23 да 25 кастрычнiка ў Лас-Вегасе (ЗША). Астатнiя этапы спаборнiцтваў прымуць Канада, Кiтай, Францыя, Японiя i Расiя. Для кожнай з краiн-арганiзатараў этап Гран-пры стане нацыянальным чэмпiянатам па фiгурным катаннi. Мiжнародны саюз канькабежцаў падкрэслiвае, што забеспячэнне здароўя спартсменаў, трэнераў i суддзяў — прыярытэтнае пытанне пры правядзеннi спаборнiцтваў.

Фiнал серыi Гран-пры, якi павiнен быў прайсцi ў снежнi ў Кiтаi, можа быць перанесены на пачатак 2021 года. Да гэтага, у лiпенi, Мiжнародны саюз канькабежцаў паведамiў аб адмене серыi юнiёрскага Гран-пры ў сезоне 2020/2021.


У 2022 годзе Мiнск прыме чэмпiянат свету па спартыўнай хадзе

Сусветная лёгкаатлетычная асацыяцыя (World Athletics) назвала дакладныя даты правядзення чэмпiянату свету па спартыўнай хадзе — 22-23 красавiка 2022 года.

Турнiр павiнен быў прайсцi ў Мiнску 2-3 мая 2020 года. Але пасля кансультацыi з Беларускай федэрацыяй лёгкай атлетыкi, World Athletics вырашыла перанесцi спаборнiцтвы з-за пандэмii каранавiруса. Права прыняць сусветны форум па спартыўнай хадзе Беларусь атрымала на пасяджэннi Савета World Athletics у Манака.


Мiжнародныя спаборнiцтвы па барацьбе пакуль не будуць аднаўляцца

Мiжнародная федэрацыя барацьбы на анлайн-пасяджэннi адмянiла свае папярэднiя рашэннi аб аднаўленнi спаборнiцтваў у вераснi.

Было вырашана не праводзiць чэмпiянат Еўропы сярод юнакоў, якi павiнен быў прайсцi 5—11 кастрычнiка ў Польшчы, i кантынентальны форум сярод юнiёраў, запланаваны на 19—25 кастрычнiка ў Паўночнай Македонii. Пакуль не прынятыя рашэннi аб чэмпiянатах свету сярод дарослых, юнакоў i юнiёраў. Да гэтага пытання Мiжнародная федэрацыя барацьбы вернецца ў вераснi.


Мiнск прыме квалiфiкацыйныя матчы па гандболе

У 2020 годзе ў палацы спорту «Уручча» пройдуць квалiфiкацыi на чэмпiянат Еўропы — 2022 i чэмпiянат свету — 2021.

Мiнiстэрства спорту i турызму дало афiцыйны дазвол на правядзенне двух адборачных матчаў мужчынскага чэмпiянату Еўропы — 2022. Нацыянальная мужчынская каманда Беларусi сустрэнецца з сапернiкамi з Украiны ў сталiчным палацы спорту «Уручча». Гульнi пройдуць 5 i 7 лiстапада 2020 года.

Беларуская федэрацыя гандболу скарыстаецца першачарговым правам арганiзацыi квалiфiкацыйнага турнiру жаночага чэмпiянату свету — 2021 у групе 5. Спаборнiцтвы пройдуць у Мiнску 4—6 снежня ў палацы спорту «Уручча». Беларуская жаночая зборная сустрэнецца з камандамi Фарэрскiх астравоў i Швейцарыi.

Валерыя СЦЯЦКО

Прэв’ю: krasnodar-gid.ru

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.