Вы тут

Федэрацыя прафсаюзаў Беларусi выступiла са зваротам з нагоды падзей, што адбывалiся ў апошнiя днi


Учора ў Мiнску i iншых гарадах выказаць сваё меркаванне аб тым, што адбываецца ў краiне, выйшлi прадстаўнiкi прадпрыемстваў. Федэрацыя прафсаюзаў Беларусi выступiла са зваротам з нагоды падзей, што адбывалiся ў апошнiя днi i ў прыватнасцi ўчора.


«Людзей, якiя выходзяць i збiраюцца на пляцоўках заводаў i фабрык, хвалюе напружаная, неспакойная атмасфера i бяспека на вулiцах нашых гарадоў, — гаворыцца ў звароце найбуйнейшай грамадскай арганiзацыi краiны. — У Федэрацыю прафсаюзаў паступаюць шмфатлiкiя звароты ад працоўных калектываў з просьбай заклiкаць усiх як мага хутчэй спынiць гвалт, не правакаваць канфлiкты, захаваць мiр у нашай краiне. Сёння людзей непакоiць пытанне найхутчэйшага вызвалення iх дзяцей, родных, калег, якiя былi затрыманыя. Размова iдзе пра тых, хто апынуўся ў месцах правядзення вулiчных акцый i не парушаў грамадскi парадак. Мы падзяляем гэтыя заклiкi i настойваем, каб органы правапарадку як мага хутчэй вызвалiлi гэтых людзей i правялi адкрытае i аб'ектыўнае расследаванне па кожным выпадку. Федэрацыя прафсаюзаў Беларусi акажа любую неабходную дапамогу: юрыдычную, псiхалагiчную, матэрыяльную — тым,хто апынуўся ў складаным становiшчы. Мы заклiкаем усiх спынiць гвалт i прыйсцi да мiрнага дыялогу дзеля будучынi кожнага з нас i нашай Беларусi».

Загаловак у газеце: Дзеля будучынi

Выбар рэдакцыі

Грамадства

На адным дыханні. Што адбываецца ў пульманалагічным аддзяленні, дзе лечаць хворых на COVІD-19

На адным дыханні. Што адбываецца ў пульманалагічным аддзяленні, дзе лечаць хворых на COVІD-19

Пятая клінічная бальніца застаецца адной з медустаноў Мінска, куды шпіталізуюць хворых на COVІD-19. 

Грамадства

Ежа па-іншаму: што б такога з'есці, калі сам не ведаеш, чаго хочаш?

Ежа па-іншаму: што б такога з'есці, калі сам не ведаеш, чаго хочаш?

Чым можна падсілкавацца, і навошта гэта ядуць.

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.