Вы тут

Агульная мэта — мiр i згода. Падзеі ў краiне абмеркавалi парламентарыi, праваахоўнiкi i журналiсты


У парламенце прайшла сустрэча дэпутатаў пяцi пастаянных камiсiй, прадстаўнiкоў Беларускага Хельсiнкскага камiтэта, Мiжнароднай федэрацыi правоў чалавека, Беларускага саюза журналiстаў i Беларускай асацыяцыi журналiстаў. Яны абмеркавалi сiтуацыю, якая складваецца ў Беларусi, i магчымыя шляхi яе вырашэння.


Старшыня Пастаяннай камiсii па правах чалавека, нацыянальных адносiнах i СМI Палаты прадстаўнiкоў Генадзь Давыдзька ў пачатку сустрэчы падкрэслiў, што яна не нясе пратакольнага характару.

«Гэта проста сустрэча зацiкаўленых людзей, якiя любяць сваю Радзiму, хочуць, каб у нас былi мiр i згода ў грамадстве», — сказаў дэпутат.

«У нас вельмi шмат iнфармацыi, у кожнага свой пункт гледжання. Але мы, я так думаю, аб'яднаны ў гэты момант на гэтай сустрэчы адной iдэяй: каб у нас быў мiр. Мы павiнны шчыра пагаварыць i, самае галоўнае, прапанаваць шляхi, што рабiць», — падкрэслiў парламентарый.

«Нас аб'ядноўвае жаданне нармалiзаваць сiтуацыю, каб у будучыню мы пайшлi незалежнай i суверэннай краiнай», — адзначыў Генадзь Давыдзька.

Старшыня Беларускага Хельсiнкскага камiтэта Алег Гулак выклаў дэпутатам, якiм бачыцца становiшча спраў праваабарончым арганiзацыям. Ён падзякаваў за магчымасць абмеркаваць сiтуацыю i пашкадаваў, што «такiх магчымасцяў, на жаль, было мала раней».

«Зараз вельмi шмат проблем з тым, што сiстэмнае комплекснае ўспрыманне карцiны ў многiх рознае. Праз гэта робяцца розныя высновы», — канстатаваў Алег Гулак.

Адказваючы на пытаннi журналiстаў, старшыня Беларускага Хельсiнкскага камiтэта падкрэслiў, што зараз вельмi важна стварыць умовы для дыялогу. У лiку першых крокаў, якiя трэба зрабiць, ён назваў абавязковае вызваленне ўсiх затрыманых.

«Людзi павiнны бачыць, што вызваляюць iх дзяцей, родных», — сказаў Алег Гулак.

«Мой галоўны заклiк — усiм быць мiрнымi, каб усё заставалася ў мiрных рамках, не звяртацца да гвалту», — рэзюмаваў ён.

Паводле БелТА

Прэв’ю: mgpu.ru

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.