Вы тут

Лукашэнка: Не трэба закалыхваць мірнымі акцыямі, мы бачым, што ў глыбіні адбываецца


Прэзідэнт Беларусі Аляксандр Лукашэнка сёння на нарадзе ў Мінску выказаўся на тэму грамадска-палітычнай сітуацыі ўнутры краіны, паведамляе БЕЛТА.


«Мы бачым, што адбываецца. Нас закалыхваць не трэба мірнымі акцыямі і дэманстрацыямі. Мы бачым, што ў глыбіні адбываецца. Мы вельмі добра гэта бачым. І потым, мы ж метадычкі чыталі каляровых рэвалюцый. Больш за тое, да метадычкі каляровых рэвалюцый (гэта асаблівасць , пра гэта мы будзем казаць сёння ў Мінабароны ў Цэнтры стратэгічнага кіравання) ужо з’явіліся элементы знешняга ўмяшання», - заявіў кіраўнік дзяржавы.

«Гэта значыць тое, што я казаў, — фактычна па сцэнары разгортваецца агрэсія супраць Беларусі. Трэба звязацца з Пуціным, Прэзідэнтам Расіі, каб я мог з ім перагаварыць цяпер. Таму што гэта ўжо пагроза не толькі Беларусі. Ведаеце, некаторыя расіяне, я гляджу, там, занадта разумныя, пачынаюць крычаць: вось, Беларусь, так, не гэтак ... Я хачу сказаць, што абарона сёння Беларусі — гэта не менш, чым абарона ўсёй нашай прасторы, Саюзнай дзяржавы, і прыклад іншым. Калі беларусы не вытрымаюць, пакоціцца гэтая хваля туды. Таму за нас так ўчапіліся», - падкрэсліў Прэзідэнт.

«Гэтыя, якія блукаюць па вуліцах, яны ж гэтага ў большасці сваёй не разумеюць. Гэта разумеюць тыя, хто каардынуе і накіроўвае. І вы бачыце — часам працуюць прафесійна: пастановачныя кадры, фэйкі. У мяне, аказваецца, ужо знайшлі ў Маскве нейкі дом. я зараз публічна хачу сказаць: знайшлі — забярыце яго. У мяне ў Беларусі уласнасці няма, акрамя рэзідэнцыі афіцыйнай, дзе я жыву ў вёсцы. Не, вось гэтыя пачынаюць фэйкі. Аказваецца, я ўжо з краіны з’ехаў пазаўчора, аказваецца, я не тое памёр, не тое захварэў. І гэта ўсё круціцца. Для чаго? Каб у народа стварыць вось гэта агідненькі настрой. Ці не атрымаецца. Мы гэтага дапусціць не павінны», - заявіў Аляксандр Лукашэнка.

Аляксандр Лукашэнка ў панядзелак наведае МЗКЦ

«Што да працы эканомікі — найважнейшае пытанне. Зразумела, што рознага роду каналы, пэўныя сродкі масавай інфармацыі будуць разгойдваць гэтую сітуацыю, што выходзьце, бастуйце... Я на гэты конт ужо выказаўся: хто-небудзь хоча баставаць, хай ідуць баставаць, але на заводах ім рабіць няма чаго», - сказаў кіраўнік дзяржавы.

У сувязі з гэтым ён адзначыў, што неабходна даручыць кіраўнікам прадпрыемстваў, каб яны папярэдзілі рабочых. «Не трэба ціснуць ні на каго, ні ў якім разе, проста трэба ім гэта сказаць. На каленях стаяць мы ні перад кім не збіраемся. Такой неабходнасці няма», — падкрэсліў ён.

«Страціць хочуць працу і прадпрыемствы — страцяць. Далей яны не адновяцца, мы ж гэта выдатна разумеем. Таму хай кіраўнікі са сваімі калектывамі разбіраюцца. Калі патрэбна наша дапамога ці працоўныя калектывы просяць пабываць там, не трэба адмаўляцца. Трэба паехаць у працоўныя калектывы, адказаць на іх пытанні», - сказаў Прэзідэнт.

Ён заявіў, што ў панядзелак наведае МЗКЦ. «На гэтыя пытанні яны пачуюць мой адказ», — адзначыў Аляксандр Лукашэнка.

«Таму эканоміцы ўвагу перш за ўсё», — рэзюмаваў кіраўнік дзяржавы

Аляксандр Лукашэнка даручыў аператыўна падрыхтаваць дакументы па далейшай рабоце ўрада

«Галоўнае пытанне — гэта тычыцца Адміністрацыі Прэзідэнта, Наталля Іванаўна (старшыня Савета Рэспублікі. — Заўвага БЕЛТА), вы падключыцеся: урад, як звычайна, пасля абрання Прэзідэнта складае паўнамоцтвы, трэба падрыхтаваць усе дакументы, зараз жа падпісаць іх, выверыць і даручыць ураду працягваць свае паўнамоцтвы да фарміравання канчатковага складу ўрада», - сказаў кіраўнік дзяржавы.

«Пры гэтым трэба мець на ўвазе, што мы задоўга (за год, паўгода) народу сказалі, што мы фарміруем ўрад і паказваем, з кім Прэзідэнт будзе працаваць пасля выбараў», — звярнуў увагу Аляксандр Лукашэнка.

Такім чынам, адзначыў ён, у асноўным ўрад сфармаваны. «Можа быць, будуць нейкія нюансы. Я толькі што гаварыў з Раманам Галоўчанкам (прэм’ер-міністрам — Заўвага БЕЛТА). Ён на месцы, працуе, усе гатовыя працаваць. Так што ўрад функцыянуе. Трэба фармалізаваць гэта, каб юрыдычную сілу мела. Таму ўказ трэба адпрацаваць і зараз жа ўнесці», - рэзюмаваў Прэзідэнт.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.