Вы тут

На сувязі крызісныя псіхолагі


У прадстаўніцтве Дзіцячага фонду ААН (ЮНІСЭФ) у Беларусі намерваюцца сфакусіравацца на рабоце, якая здольная дапамагчы ўсім: і бацькам, і дзецям, пацярпелым у час пратэстных акцый. Зараз яны ўдасканальваюць сістэму гэтых паслуг і збіраюцца стварыць сістэму, якая дазволіць аб'яднаць крызісных псіхолагаў, дапамога якіх цяпер патрэбная як ніколі.


— Спецыялісты, якія пабывалі каля месцаў часовага ўтрымання грамадзян, кажуць, што шмат псіхолагаў і валанцёраў ужо гатовыя аказаць дапамогу і намагаюцца гэта рабіць. Аднак патрэбны ўдзел прафесіяналаў, бо людзі, якія пацярпелі, перажылі моцны шок, — акрэсліў Дзмітрый ШЫЛІН, старшы каардынатар па пытаннях аховы дзяцінства Дзіцячага фонду ААН (ЮНІСЭФ) у Беларусі. — Каб гаварыць з імі, патрэбны тыя, хто ведае крызісную псіхалогію, а такіх спецыялістаў у краіне, на жаль, няшмат, і іх патэнцыял трэба зараз аб'яднаць.

Нагадаем, што юрыдычную дапамогу бацькам і дзецям прадстаўніцтва ЮНІСЭФ разам са спецыялістамі Беларускай рэспубліканскай калегіі адвакатаў пачало аказваць праз чат-бот у Telegram @kіds_lawyer_bot яшчэ з 22 ліпеня. Па серадах з 16.00 да 18.00 можна абмеркаваць пытанні грамадзянскага і сямейнага права. Штодня людзям дапамагаюць  разабрацца з акалічнасцямі крымінальнай і адміністрацыйнай адказнасці.

Калі дзіцяці і яго бацькам патрэбна юрыдычная дапамога, тэрміновая кансультацыя або неабходна даведацца, дзе знайсці найбліжэйшага адваката, можна таксама звяртацца па бясплатную кансультацыю да Telegram-бота, параіў каардынатар дзіцячага фонду ЮНІСЭФ:

— Людзі, якія сталі сведкамі гвалту, могуць адчуваць цяжкія перажыванні: разгубленасць, неразуменне, дэзарыентацыю, боль, страх, бяссілле. З наступствамі псіхалагічнай траўмы цяжка справіцца нават даросламу, але асабліва ад гэтага пакутуюць дзеці, у якіх менш жыццёвага вопыту і ведаў. Каб разам дапамагчы малым, мы падрыхтавалі кароткія чэк-лісты пра тое, як дапамагаць дзецям розных узростаў. Іх можна знайсці па спасылцы.

Ірына СІДАРОК

Выбар рэдакцыі

Грамадства

Як навучыць дзіця рацыянальна карыстацца грашыма? Парады псіхолага

Як навучыць дзіця рацыянальна карыстацца грашыма? Парады псіхолага

Дзіцяці абавязкова трэба ведаць: Што такое грошы? Навошта яны патрэбны?

Грамадства

У музеі ВАВ адкрылася выстаўка «Бітва за Маскву. Бессмяротнасць подзвігу».

У музеі ВАВ адкрылася выстаўка «Бітва за Маскву. Бессмяротнасць подзвігу».

Як адзначыла старшыня Савета Рэспублікі Нацыянальнага сходу Наталля Качанава, Вялікая Айчынная вайна і ўсё, што звязана з ёй, — святое.