Вы тут

На Гомельшчыне 1 верасня за парты сядуць 17 262 першакласнiкi


На Гомельшчыне 1 верасня за парты сядуць 17 262 першакласнiкi. Гэта на 650 дзяцей больш, чым летась.


У бягучым навучальным годзе ўпершыню прагучыць званок у новай школе ў мiкрараёне № 21 Гомеля. Установа адукацыi разлiчана на 765 навучэнцаў. У будынку размесцяцца 33 класы трох паралеляў.

У самым вялiкiм сельскiм населеным пункце Кармянскага раёна — аграгарадку Лiцвiнавiчы — звыш 130 дзяцей зноў вернуцца ў сваю школу. Яе будынак 1951 года пабудовы, якi раней знаходзiўся ў аварыйным стане, перажыў маштабную рэканструкцыю i сёлета зноў адкрые свае дзверы для вучняў.

Мiж тым на Гомельшчыне зараз функцыянуе 1171 установа адукацыi. Прыёмку школ, лiцэяў i гiмназiй у Гомельскай вобласцi плануецца завяршыць да 20 жнiўня, адзначылi ў Галоўным упраўленнi адукацыi Гомельскага аблвыканкама.

У рэгiёне на падрыхтоўку класаў, iнжынерных сетак, харчаблокаў i прылеглай тэрыторыi прадугледжана амаль 22 мiльёны рублёў бюджэтных сродкаў. Асноўная iх частка накiравана на рамонт устаноў адукацыi. Таксама выдаткаваны грошы на набыццё камп'ютараў i лiчбавага вучэбнага абсталявання.

На абнаўленне сталовых i буфетаў ва ўстановах адукацыi Гомельскай вобласцi накiравана звыш 480 тысяч рублёў: гэта бюджэтныя, пазабюджэтныя сродкi i спонсарская дапамога. Значная частка гэтай сумы пайшла на закупку тэхналагiчнага i халадзiльнага абсталявання для харчаблокаў, дадалi ў Галоўным упраўленнi адукацыi Гомельскага аблвыканкама.

Сёлета для падвозу дзяцей на заняткi будзе набыта 15 адзiнак транспарту, у тым лiку дзве — спецыяльнага прызначэння з пад'ёмнiкамi для дзяцей-iнвалiдаў. Зараз набыта 12 аўтобусаў, яшчэ па трох праводзяцца працэдуры закупкi. На гэтыя мэты з бюджэту Гомельскай вобласцi выдзелена 1,46 мільёна рублёў, а таксама субвенцыi, што накiроўваюцца на пераадоленне наступстваў катастрофы на Чарнобыльскай АЭС.

У сваю чаргу супрацоўнiкi ДАI УУС Гомельскага аблвыканкама перад пачаткам новага навучальнага года абследавалi вулiчна-дарожную сетку каля ўстаноў адукацыi, каб удасканалiць дарожныя ўмовы на шляху дзяцей у школы.

Ва ўсiх установах адукацыi, што размешчаны ў зонах рэагавання падраздзяленняў аховы абласнога ўпраўлення Дэпартамента аховы МУС, устаноўлены ручныя сiстэмы трывожнай сiгналiзацыi. Акрамя таго, паэтапна ўсталёўваюцца сiстэмы вiдэаназiрання.

Наталля КАПРЫЛЕНКА

Прэв’ю: vulcanestimd.com

Загаловак у газеце: У чаканнi першага званка

Выбар рэдакцыі

Культура

Кладка якога стагоддзя будзе захавана? У сценах Старога замка ў Гродне вядуцца зандажы

Кладка якога стагоддзя будзе захавана? У сценах Старога замка ў Гродне вядуцца зандажы

Вядома, што пры жыцці польскі кароль Стэфан Баторый так і не ўбачыў канчаткова дабудаванага Старога замка ў Гродне.

Грамадства

Цяпер у краіне бясплодныя пары могуць зрабіць ЭКА бясплатна

Цяпер у краіне бясплодныя пары могуць зрабіць ЭКА бясплатна

Маладыя муж і жонка нецярпліва чакалі з'яўлення ў іх сям'і дзіцяці. 

Грамадства

Уладзімір Каранік: «На ШВЛ вакцынаваных няма»

Уладзімір Каранік: «На ШВЛ вакцынаваных няма»

Медыкі і губернатар Гродзенскай вобласці адказалі на пытанні па прышчэпках