Вы тут

Аляксандр Лукашэнка агучыў вынікі пасяджэння Савета бяспекі


Прэзідэнт Беларусі Аляксандр Лукашэнка агучыў выніковыя рашэнні пасяджэння Савета бяспекі, у якім па відэасувязі прынялі ўдзел і кіраўнікі рэгіёнаў. Канкрэтныя даручэнні дадзены па розных напрамках і тычацца пытанняў стабілізацыі становішча ў краіне — забеспячэння бяспекі, падтрымання правапарадку, устойлівай працы прадпрыемстваў і арганізацый, дзейнасці СМІ, інфармавання замежных лідараў аб сітуацыі ў Беларусі, паведамляе БЕЛТА.


Дзяржпагранкамітэту:

«Даручаю Дзяржаўнаму памежнаму камітэту, мы з абмеркавання гэта бачым, узмацніць ахову дзяржаўнай мяжы па ўсім перыметры ў мэтах недапушчэння ў Беларусь з іншых краін баевікоў, зброі, боепрыпасаў, грошай для фінансавання беспарадкаў. Мы бачым, што гэтыя грошы паступаюць», — заявіў кіраўнік дзяржавы.

Ён адзначыў, што ў тым ліку гэтыя грошы ідуць на аплату ўдзельнікам пратэстаў, хоць і не ўсім. «Плацяць людзям, якія хочуць зарабіць. З кветачкамі пастаяць, яшчэ нешта зрабіць. Я не хачу сказаць, што ўсе такія. Але вялікія грошы паступаюць, і прытым у адкрытую», — сказаў Аляксандр Лукашэнка.

Такім чынам, падагульніў Прэзідэнт, органы пагранслужбы, акрамя спецслужбаў, таксама павінны ўдзельнічаць у перакрыцці падобных фінансавых патокаў і каналаў.

Мінабароны:

«Міністэрству абароны асаблівую ўвагу трэба надаць перамяшчэнню войскаў НАТА на тэрыторыю Польшчы і Літвы. Мы павінны адсочваць напрамкі іх руху і іх задумы. Але ў дадзены момант мы ўсе гэтыя задумы бачым. Асабліва нас гэта не напружвае, але асобныя факты, асабліва на гродзенскім кірунку, прымушаюць задумацца. Таму нам абавязкова трэба прыняць меры і не саромецца выводзіць нашы Узброеныя Сілы і тэхніку на напрамкі іх перамяшчэння», - сказаў кіраўнік дзяржавы.

«Гэта значыць, трэба кантраляваць гэтыя пытанні. Асабліва ў Гродне, у гродзенскім кірунку. Бо ўжо вельмі вялікае жаданне там дэстабілізаваць абстаноўку яшчэ больш, чым у Мінску», — дадаў Аляксандр Лукашэнка.

МУС:

Міністэрству ўнутраных спраў Аляксандр Лукашэнка даручыў не дапускаць беспарадкаў у краіне, і асабліва ў Мінску. «У Мінску не павінна быць больш ніякіх беспарадкаў. Людзі стаміліся, людзі патрабуюць міру і цішыні», — падкрэсліў Прэзідэнт.

Ён адзначыў, што, з аднаго боку, і добра, што беларусы адчулі, што яны могуць страціць. «Але, слухайце, бо мора людзей, пераважная большасць, якія прывыклі жыць у спакойнай краіне. І мы гэтую спакойную краіну павінны ім вярнуць», — заявіў Аляксандр Лукашэнка.

Ён таксама запатрабаваў абараніць працоўныя калектывы ад шальмавання і пагроз вуліцы. «Абараніць працоўныя калектывы — не толькі рабочых фабрык і заводаў, але і іншыя калектывы, арганізацыі (у іх адрас сыплюцца пагрозы), калектывы сродкаў масавай інфармацыі», — сказаў кіраўнік дзяржавы.

«Калі хтосьці ў сродках масавай інфармацыі — АНТ, БТ, яшчэ дзесьці — хочуць пабаставаць, выйсці і потым зноў вярнуцца, такога шанцу ў іх быць не павінна. Сышлі — ідзіце. Але абараніць калектывы трэба. І гэта наша сёння задача. Яна актуальная», - дадаў Прэзідэнт.

Камітэту дзяржбяспекі:

Камітэту дзяржаўнай бяспекі Аляксандр Лукашэнка даручыў выяўляць і спыняць дзеянні арганізатараў вулічных беспарадкаў, выкрываць каналы фінансавання беспарадкаў у Беларусі. «Як бы ні было складана, мы павінны працягваць гэтую працу і працаваць па максімуму», — падкрэсліў Аляксандр Лукашэнка.

МЗС:

Па лініі міністэрства замежных спраў кіраўнік дзяржавы даручыў арганізаваць працу па давядзенню да кіраўнікоў заходніх дзяржаў інфармацыі пра сітуацыю ў Беларусі. «Ім проста трэба распавядаць, што адбываецца ў Беларусі. Каб гэтую інфармацыю атрымалі і Меркель, і Макрон, і Дуда, і Науседа, і іншыя, і Зяленскі. Каб яны ведалі, што адбываецца ў Беларусі, афіцыйны пункт гледжання, — сказаў Аляксандр Лукашэнка. — І папярэдзіць іх (не саромецца) аб адказнасці за распальванне беспарадкаў. Фінансаванне беспарадкаў — гэта і ёсць распальванне. і мы бачым сёння, што гэта фінансаванне працягваецца».

«Па-другое, барабаніць гусеніцамі на мяжы з Беларуссю, праводзіць зараз вучэнні контрпрадуктыўна. Яны гэта павінны разумець, і яны будуць за гэта адказваць, калі што здарыцца», — дадаў Аляксандр Лукашэнка.

СМІ

«Сродкам масавай інфармацыі — растлумачваць, распавядаць, папярэджваць людзей, што праграмы гэтай «чорнай сотні» - шлях у прорву да знішчэння Беларусі як суверэннай і незалежнай дзяржавы. Вы гэта бачыце. Больш за тое, яны штурхаюць нас да сутыкнення з гістарычна брацкім нам народам — рускімі, расіянамі. Гэтага дапусціць нельга. Таму трэба актывізавацца сродкам масавай інфармацыі», - заявіў Аляксандр Лукашэнка.

Ураду:

Кіраўнік дзяржавы даручыў ураду забяспечыць рэалізацыю і кантроль яго даручэнняў па бесперабойнай функцыянаванню прадпрыемстваў. «Трэба сказаць, што тут работа і кіраўнікамі, і ўрадам праведзена вялікая, і ёсць добрыя вынікі. Але расслабляцца нельга», — заявіў ён.

Паводле слоў Прэзідэнта, неабходна аказаць падтрымку кіраўнікам прадпрыемстваў у арганізацыі вытворчага працэсу. «Абавязкова трэба гэта зрабіць. Не трэба кідаць кіраўнікоў сам-насам з тым натоўпам, які часам сядзіць на прахадной, перашкаджае людзям працаваць. Ну і ўнутры ж прадпрыемстваў ёсць пэўнае кола людзей, — сказаў кіраўнік дзяржавы. — Мы не павінны нагнятаць ў працоўных калектывах абстаноўку. Але, тым не менш: хочаш працаваць — працуй (як я ўжо казаў), не хочаш — за вароты, не перашкаджай працаваць іншым. Але вяртання потым назад на гэтае прадпрыемства быць не павінна. У нас у чарзе стаяць людзі на прадпрыемствы. Ды і залішняй колькасці на любым прадпрыемстве, якое сёння на слыху, велізарная колькасць».

Аляксандр Лукашэнка таксама падкрэсліў важнасць засяродзіць увагу на вырашэнні паўсядзённых задач і пытанняў жыцця грамадзян краіны. «Тут дзяржсакратар правільна прапаноўваў і іншыя, і губернатары пра гэта казалі», — адзначыў Прэзідэнт.

«Людзі павінны бачыць, што органы ўлады, асабліва цэнтральныя, займаюцца не толькі пытаннямі навядзення парадку ў Мінску і іншых двух-трох гарадах, але і займаюцца вырашэннем пытанняў, ад якіх залежыць жыццё нашых людзей», — падкрэсліў Аляксандр Лукашэнка.

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.