Вы тут

​Чарговае пасяджэнне Савета па прамысловай палітыцы Еўразійскага эканамічнага саюза пройдзе ўвосень


Пра гэта паведамілі ў прэс-службе Еўразійскай эканамічнай камісіі па выніках сустрэчы члена Калегіі (міністра) па прамысловасці і аграпрамысловым комплексе ЕЭК Артака Камаляна і міністра прамысловасці і гандлю Расіі Дзяніса Мантурава.


Бакі абмеркавалі рэалізацыю міждзяржаўных праграм і праектаў у ЕАЭС, стварэнне сучаснай лічбавай і інавацыйнай прамысловай інфраструктуры, праекты імпартазамяшчэння. Пацверджана важнасць прыняцця новага стратэгічнага дакумента ў прамысловасці на сярэдне-тэрміновы перыяд — Асноўных кірункаў прамысловага супрацоўніцтва да 2025 года.

«Дакументам мы закладваем чатыры асноўныя стратэгічныя прыярытэты ў ЕАЭС: максімальнае задзейнічанне патэнцыялу агульнага рынку прампрадукцыі, сумесную работу на экспартных рынках, паглыбленне прамысловай інтэграцыі, інавацыйнае супрацоўніцтва і лічбавізацыю прамысловасці», — сказаў Артак Камалян.

На сустрэчы абмяркоўваўся таксама ход рэалізацыі Карты індустрыялізацыі Еўразійскага эканамічнага саюза, якая стане інструментам каардынацыі дзеянняў дзяржаў-членаў па пытаннях імпартазамяшчэння. Мяркуецца, што Карта індустрыялізацыі будзе адлюстроўваць імпартазалежныя тэхналагічныя кірункі, імпартазамяшчальны прамысловы патэнцыял вытворцаў дзяржаў-членаў, прамысловыя праекты, якія ўжо склаліся, і кааперацыйныя сувязі ў ЕАЭС. Гэта дазволіць краінам пазбегнуць арганізацыі ў саюзе дублюючых вытворчасцяў і развіваць галіновую спецыялізацыю вытворцаў дзяржаў-членаў. Цяпер карта ўжо ўключае каля 180 буйных праектаў з аб'ёмам інвестыцый 200 мільярдаў долараў.

Паводле БелТА

Прэв’ю: inform.kz

Загаловак у газеце: Без дублюючых вытворчасцяў

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.