Са жніўня ў сеціве пачала працаваць электронная бібліятэка Мінскай духоўнай акадэміі імя Кірылы Тураўскага.
На сайце ў адкрытым доступе змешчаныя тэксты навуковых публікацый выкладчыкаў, аспірантаў і магістрантаў духоўнай семінарыі, матэрыялы навуковых канферэнцый, навуковыя дапаможнікі, матэрыялы па гісторыі царквы, даследаванні рэлігійных дзеячаў беларускай дыяспары за мяжой, а таксама перыядычныя выданні, якія выпускае Мінская духоўная семінарыя, — усяго звыш
1200 файлаў. Гэтыя матэрыялы датаваныя 2002—2020 гадамі. Капіяваць і цытаваць іх, падкрэсліваюць стваральнікі рэсурсу, можна толькі ў некамерцыйных мэтах і з абавязковым указаннем аўтара твора і гіперспасылкі на электронную бібліятэку.
Як плануецца, гэты інфармацыйны рэсурс будзе ўключаны таксама ў міжнародны бібліятэчны рэестр OpenDOAR, у якім зарэгістраваны на сёння 34 электронныя бібліятэкі з Беларусі.
Вікторыя ЗАХАРАВА
Прэв’ю: news.myseldon.com
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
