Вы тут

Сенатар Сяргей Рачкоў: Паразуменне ў грамадстве не страчана


Старшыня Пастаяннай камiсii Савета Рэспублiкi па мiжнародных справах i нацыянальнай бяспецы Сяргей Рачкоў.


«МС»: — Вiдавочна, што краiна апынулася ў складанай сацыяльна-палiтычнай сiтуацыi. Як на ваш погляд, ужо пройдзена яе вострая фаза? Якiя новыя захады, падыходы i крокi варта распачаць, у тым лiку i мясцовым уладам разам з парламентарыямi, каб знайсцi шляхi ўзаемапаразумення ў беларускiм грамадстве ў новых умовах?

— Не падтрымлiваю меркавання аб палiтычным крызiсе ў краiне. Асобнымi ўнутранымi сiламi пры актыўнай фiнансавай i арганiзацыйна-лагiстычнай падтрымцы звонку робiцца спроба навязаць нам гэты крызiс i ажыццявiць неканстытуцыйную змену дзяржаўнай улады з-за iх паразы на выбарах. Але гэтым задумам не наканавана спраўдзiцца. I вось чаму.

Выбары прайшлi, яны адбылiся, атрыманы станоўчыя заключэннi мiжнародных назiральнiкаў ад СНД. Зацверджаны iх вынiкi. Кiраўнiк дзяржавы атрымаў пераканаўчую перамогу (у Амерыцы сказалi б «лэндслайд» — вялiкую перамогу). Думаю, што арганiзаваныя або падтрыманыя (былi такiя заклiкi) альтэрнатыўнымi кандыдатамi масавыя беспарадкi пралiлi святло на сапраўдныя мэты апазiцыi — прыйсцi да ўлады любымi шляхамi, у тым лiку праз гвалт. Людзi гэта ўбачаць i ў гэтым разбяруцца.

Не хачу разважаць, як вы прапануеце, аб фазах цяперашняй сiтуацыi. Сцэнарыi i фазы хутчэй iснуюць у арганiзатараў гэтых правакацый, якiя б'юць у самае святое — адзiнства i добрае стаўленне беларусаў адно да аднаго. Гэта самае складанае ў дадзенай сiтуацыi. Арганiзатары супрацьстаяння змяняюць тактыку, як далёка iх можа завесцi лiнiя на стымуляванне беспарадкаў i непадпарадкавання закону — пабачым. Шлях запалохвання людзей, подкупу моладзi, якi выкарыстоўваецца гэтымi сiламi, у Беларусi не спрацуе. Гэтым апазiцыйныя сiлы толькi дыскрэдытуюць сябе ў вачах асноўнай масы грамадзян.

Усе дзяржаўныя iнстытуты краiны функцыянуюць i выконваюць свае задачы. Кiраўнiк дзяржавы ў сваiх выступах выразна расставiў усе акцэнты i пазначыў кiрункi выхаду з сiтуацыi, якая склалася — мы будзем працаваць, рабiць справу i рэалiзоўваць намечаныя планы эканамiчнага i сацыяльнага развiцця. Будзе працягвацца работа па ўдасканаленнi палiтычнай сiстэмы краiны, канчатковая мэта якой — прыняцце змяненняў у Канстытуцыю.

У гэтай сiтуацыі вялiкая адказнасць кладзецца на парламентарыяў i мясцовыя органы ўлады. Наш грамадзянскi абавязак — падтрымаць лiдара краiны самаадданай працай на сваiх рабочых месцах, аказаць дапамогу сялянам ва ўборцы ўраджаю, педагогам, на якiх аказваюць асаблiвы цiск альтэрнатыўшчыкi, — паспяхова пачаць новы навучальны год у школах, рабочым — правiльна сарыентавацца ў абстаноўцы i не пайсцi на повадзе ў правакатараў i падбухторшчыкаў, а працягваць выходзiць на работу, моладзi — паказаць перспектыву для iх развiцця i самарэалiзацыi, супрацоўнiкам праваахоўных органаў — у падтрыманнi грамадскага парадку, а таксама iх маральна-псiхалагiчнага стану.

Упэўнены, што паразуменне ў беларускiм грамадстве не страчана, па iм нанесены пэўны ўдар тымi, хто не хоча бачыць на карце свету самастойную незалежную i суверэнную дзяржаву — Рэспублiку Беларусь. Праз вяртанне спакою i разважлiвасцi, удзел у высокапрадукцыйнай працы, паважлiвыя зносiны i давер, выкананне законаў будуць адноўлены ранейшы гарманiчны духоўны стан нашага грамадства i згода яго розных сацыяльных груп.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.