Вы тут

Што «свеціць» тым кіроўцам, якія сігналяць у падтрымку мітынгуючых?


Раз-пораз вуліцы гарадоў Беларусі агалошваюцца масавымі гукавымі сігналамі кіроўцаў. Але наколькі гэта правамерна? Сітуацыю пракаментавалі ў Галоўным ўпраўленні Дзяржаўнай аўтамабільнай інспекцыі Міністэрства ўнутраных спраў Беларусі.


— Так, апошнім часам паступае шмат скаргаў ад грамадзян на шматлікія гукавыя сігналы ад аўтамабіляў. ДАІ прымае меры па навядзенні парадку. У кожным выпадку інспектарамі выкарыстоўваецца індывідуальны падыход. Калі гукавы сігнал быў пададзены з парушэннем, то адказнасць надыходзіць па артыкуле 18.14 КаАП. Пункт 2 гэтага артыкула цягне папярэджанне або штраф у памеры да трох базавых велічынь. Але калі праз ціск на клаксан была створана аварыйная абстаноўка, то санкцыя ўзмацняецца — за гэта прадугледжаны штраф памерам ад 5 да 20 базавых велічынь. Пры гэтым кіроўца можа быць пазбаўлены права кіравання транспартным сродкам на тэрмін да двух гадоў.

Як удакладнілі ў ДАІ, аварыйная абстаноўка ўзнікае ў тым выпадку, калі іншыя ўдзельнікі дарожнага руху — як кіроўцы, так і пешаходы — палохаюцца і праз гэта рэзка змяняюць хуткасць і напрамак руху, ад чаго рэзка ўзрастае рызыка дарожнага-транспартнага здарэння.

Аляксандр КАВАЛЁЎ

Загаловак у газеце: А сігнал мусіць быць дарэчы

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».