Вы тут

Навукоўцы адкрылі жывыя выкапні


Кітайскія і амерыканскія даследчыкі прааналізавалі закамянеласці.


Кітайскія і амерыканскія даследчыкі знайшлі новы від расліны, які адносіцца да так званых жывых выкапняў. Пра гэта паведамілі ў Нанкінскім інстытуце геалогіі і палеанталогіі Акадэміі навук Кітая (правінцыя Цзянсу), перадае “Жэньмінь жыбаа” анлайн”.

Серабрысты аментатаксус -  від іглічных раслін, які ў наш час шырока распаўсюджаны ў Кітаі. Навукоўцам удалося высветліць, што ён з'явіўся на нашай планеце як мінімум ужо ў юрскі перыяд.

Новае адкрыццё навукоўцы зрабілі пасля аналізу закамянеласцяў гэтага віду раслін, знойдзеных у геалагічных пластах узростам 160 млн. гадоў на тэрыторыі горада Чыфэн аўтаномнага раёна Унутраная Манголія, паведаміла навуковы супрацоўнік інстытута Дун Чун.

У знаходках захаваліся галінкі, лісце, зародак і насеньне расліны, якія амаль нічым не адрозніваюцца ад сучаснага серабрыстага аментатаксуса. Вынікі далейшага марфалагічнага аналізу сведчаць, што гэтая расліна, якая ўжо была ў часы дыназаўраў, належыць да сучаснага роду аментатаксус, патлумачыла Дун Чун.

Па словах навукоўца, так званыя жывыя выкапні - гэта сучасныя віды, якія захаваліся ад груп жывёл або раслін, характэрных для мінулых геалагічных эпох. Іх вывучэнне мае вялікае значэнне для высвятлення гісторыі развіцця і заканамернасці многіх груп вымерлых і арганізмаў, якія жывуць цяпер.

Вынікі даследавання кітайскіх і амерыканскіх палеантолагаў апублікаваны ў англамоўным часопісе National Science Review, які выдаецца Акадэміяй навук Кітая.

Прэв’ю: alchetron.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».