Вы тут

Штотыднёвы спартыўны агляд «Звязды»


У традыцыйным штотыднёвым аглядзе «Звязды» расказваем пра самыя цiкавыя спартыўныя навiны.


1. Беларускiя лёгкаатлеткi выступiлi на мiжнародных спаборнiцтвах — мемарыяле Iштвана Дзьюлаi ў Венгрыi. Турнiр з'яўляецца адным з этапаў World Athletics Continental i мае залаты ўзровень у гэтай серыi турнiраў. Настасся Мiрончык-Iванова перамагла ў скачках у даўжыню: у першай жа спробе яна скокнула на 6,77 м, не пакiнуўшы сваiм сапернiцам нiводнага шанцу. Настасся на адзiн сантыметр апярэдзiла ўкраiнку Марыну Бех-Раманчук, якая ў пятай спробе паказала 6,76 м. На трэцiм месцы — спартсменка з Венгрыi Дзiяна Лэсцi з асабiстым рэкордам 6,65.

У бегу з бар'ерамi бронзавы медаль выйграла Эльвiра Герман. У забегу на 100 метраў яна фiнiшавала з вынiкам 12,96 секунды. Яе апярэдзiлi лiдар сусветнага сезону Надзiн Вiссер (12,68) з Нiдэрландаў i Луца Козак (12,71) з Венгрыi. На п'едэстал паднялася яшчэ адна беларуска — Ганна Малышчык, лiдар сусветнага сезону ў кiданнi молата. У найлепшай спробе Ганны снарад паляцеў на 70,59 м. Такi вынiк забяспечыў ёй бронзавы медаль. Далей за ўсiх молат адправiла францужанка Аляксандра Тавернье — 73,09, на другiм месцы польская спартсменка Мальвiна Капрон — 72,68.

2. Гандбалiсты клуба «Мяшкоў Брэст» 12-ы раз сталi ўладальнiкамi Кубка Беларусi. Вырашальны матч прайшоў у Пiнску, дзе брастаўчане абыгралi мiнскi СКА з вынiкам 26:25 (15:13). У барацьбе за трэцяе месца гандбалiсты «Гомеля» перамаглi магiлёўскi клуб «Машэка» — 32:31. Найлепшым гульцом «Мяшкоў Брэст» стаў Мiкiта Вайлупаў, якi закiнуў 11 мячоў. А ў мiнскiм СКА вызначыўся Кiрыл Самойла, што закiнуў iх сем. Для клуба «Мяшкоў Брэст» гэта 12-я перамога ў Кубку Беларусi.

3. Хакеiсты гродзенскага «Нёмана» з вынiкам 5:0 (1:0, 1:0, 3:0) абыгралi «Магiлёў» у гасцявым матчы групавой стадыi Кубка Салея—2020. Таксама ў групе В аршанскi «Лакаматыў» прымусiў капiтуляваць хакеiстаў «Лiды» — 5:0 (3:0, 2:0, 0:0). Акрамя таго, у гэтай групе хакеiсты зборнай Беларусi U-18 здолелi разграмiць «Пiнскiх ястрабаў» — 7:0 (1:0, 3:0, 3:0). Вырашальны раўнд Кубка Салея адбудзецца 29—30 жнiўня ў фармаце «фiналу чатырох». У першы дзень пераможцы групавой стадыi сустрэнуцца са сталiчнымi «Юнацтвам» i «Дынама». На наступны дзень адбудуцца матчы за 3-е месца i вырашальны паядынак.

4. Юныя беларускiя баскетбалiсты прайшлi ў топ-8 каманд турнiру Skills Challenge. Юнацкая каманда U-17 у фiнале квалiфiкацыйнага этапу была мацнейшая за румынскiх апанентаў. У барацьбе за выхад у чвэрцьфiнал беларусы перамаглi каманды Уганды i Турцыi, двойчы ўстанавiўшы сусветны рэкорд — 111 ачкоў, але потым саступiлi камандзе Манголii. За выхад у паўфiнал беларуская каманда спрачалася з камандай Балгарыi, але ў чвэрцьфiнале нашы спартсмены ўступiлi 128:126 i выбылi з барацьбы за ўзнагароды. Пераможцамi турнiру сярод мужчынскiх камандаў сталi прадстаўнiкi Манголii, якiя перамаглi балгар з вынiкам 99:124.

Турнiр Global Challenge замянiў юнацкiя чэмпiянаты свету, адмененыя праз пандэмiю каранавiруса. Згодна з сiстэмай спаборнiцтваў, каманды сустракалiся памiж сабой завочна. Калектывы праходзiлi эстафету на час, ход якой фiксаваўся на вiдэа. Запiсы адпраўлялiся ў офiс Мiжнароднай федэрацыi баскетбола для вызначэння якасцi i хуткасцi баскетбольнага майстэрства.

5. Беларускiя валейбалiсткi з перамогi стартавалi на маладзёжным чэмпiянаце Еўропы, якi праходзiць у Осiеке (Харватыя) i Зенiцы (Боснiя i Герцагавiна). Падапечныя Вольгi Пальчэўскай у цяжкiм пяцiсэтавым паядынку абыгралi зборную Сербii — 3:2 (16:25, 25:21, 25:21, 20:25, 15:13). Нападаючая беларускай каманды Ксенiя Лябедкiна стала найлепшым гульцом матча, набраўшы 22 ачкi. Дар'я Саўчук была прызнана найлепшай блакiруючай сустрэчы, пасля таго як пяць разоў спыняла атакi сапернiц. Усяго ж на яе рахунку 14 ачкоў. Яшчэ 12 ачкоў для каманды Беларусi зарабiла Дар'я Борыс.

«Я вельмi задаволеная вынiкам. Гэта быў цяжкi матч i вельмi важная перамога. Цяжка змагацца супраць каманды з высокiмi гульцамi, у якiх высокi скачок i выдатны блок. Вельмi добра паказалi сябе ў абароне. Кожная каманда хоча выйграць. Мы таксама. Спадзяюся, што падчас чэмпiянату будзем гуляць вельмi добра, а калi атрымаецца, пазмагаемся за медаль», — пракаментавала вынiк сустрэчы трэнер зборнай Беларусi Вольга Пальчэўская.

Таксама ў гэтай групе адбыўся матч памiж валейбалiсткамi Польшчы i Славакii. З лiкам 3:0 (27:25, 25:15, 25:18) перамогу атрымалi польскiя спартсменкi. Далей каманда пад кiраўнiцтвам Вольгi Пальчэўскай паспрачаецца з дружынамi Польшчы i Боснii i Герцагавiны.

Валерыя Сцяцко

Загаловак у газеце: Беларускiя валейбалiсткi пераможна пачалi маладзёжны чэмпiянат Еўропы

Выбар рэдакцыі

Палітыка

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

Лукашэнка: Беларусь і Расія сур'ёзна рушылі наперад у пытанні ўзгаднення саюзных праграм

У Маскве адбылася сустрэча і перагаворы кіраўніка нашай краіны з яго калегам Уладзімірам Пуціным.

Грамадства

Еш ананасы, яблыкі жуй! Як падтрымаць імунітэт без аптэчкі?

Еш ананасы, яблыкі жуй! Як падтрымаць імунітэт без аптэчкі?

З авітамінозам у нас прынята змагацца па-старому...

Грамадства

Брагінскія кавуны з прыстаўкай «эка-»

Брагінскія кавуны з прыстаўкай «эка-»

На Гомельшчыне актыўна рэалізоўваюцца праекты па развіцці тэрыторый, пацярпелых у выніку катастрофы на ЧАЭС. 

Грамадства

Дружыннікі выходзяць на дзяжурства... А разам з імі — і карэспандэнт «Звязды»

Дружыннікі выходзяць на дзяжурства... А разам з імі — і карэспандэнт «Звязды»

Кожны замацаваны за сваім участковым, у кожнага свая зона адказнасці.