Вы тут

Форма і змест новага музея імя В. К. Бялыніцкага-Бірулі


У Бялынічах да Дня беларускага пісьменства адкрыюць новы будынак раённага мастацкага музея імя В. К. Бялыніцкага-Бірулі.


Вядома, што раней музей размяшчаўся ў  былым будынку кінатэатра, які перайначылі пад музейныя экспазіцыі. Спачатку хацелі захаваць яго, пры гэтым пашырыўшы плошчу. Але камісіі, якія правяралі стан былога музея, прыйшлі да высновы, што бяспечней, танней і прасцей пабудаваць новы музей. У выніку ад старога застаўся толькі фундамент. У выніку ўстанова павялічыла сваю плошчу амаль удвая: цяпер гэта каля 800 квадратных метраў. Крыху змянілася і канцэпцыя. З’явілася вялікая зала для прывазных выставачных экспазіцый. З’явіцца ў музеі і зала гісторыі Бялыніцкага краю — тут можна будзе даведацца, як разіваўся раён са старажытнасці да сучаснасці. Адной з цэнтральных экспазіцый застанецца галерэя Бялыніцкага-Бірулі — тут размесцяць яго карціны, распавядуць пра эпізоды з жыцця. Будуць прадстаўлены і некаторыя асабістыя рэчы майстра.

Яшчэ адна цікавая задума музейшчыкаў — зала духоўнасці, у якой цэнтральным экспанатам стане фрэска «Нясенне крыжа», ці «Узыходжанне на Галгофу». У канцы 70-х гадоў мінулага стагоддзя мастак-рэстаўратар Юрый Маліноўскі разам з калегамі ўратавалі яе з разбуранага манастыра кармелітаў у Бялынічах. Пазней ён жа займаўся кансервацыяй і рэстаўрацыяй твора, а цяпер размяшчае фрэску пад скляпеннямі новага музея.

Яўгенія ШЫЦЬКА

Выбар рэдакцыі

Культура

Рэстаўрацыя па-беларуску: ратаваць — неабходна

Рэстаўрацыя па-беларуску: ратаваць — неабходна

Гістарычная памяць — тое, што вызначае будучыню... Здаецца, банальная ісціна, якую не трэба нікому даказваць.

Грамадства

10 прадуктаў-антыдэпрэсантаў, якія абавязкова павінны быць на вашым стале

10 прадуктаў-антыдэпрэсантаў, якія абавязкова павінны быць на вашым стале

Добры настрой — гэта падмурак высокай якасці нашага жыцця.

Грамадства

З акцэнтам на вусны. Правільны макіяж для сталых людзей

З акцэнтам на вусны. Правільны макіяж для сталых людзей

Многія жанчыны лічаць, што макіяж ў сталым узросце рабіць не варта, таму што гэта «дадае гадоў».

Культура

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

Літаратурная вандроўка на Уздзеншчыну. Што цікавага ў раённым гісторыка-краязнаўчым музеі

 У сценах установы ў межах літаратурна-музычнай імпрэзы прагучалі вершы і песні.