Вы тут

Пашыраюцца магчымасці па дыстанцыйным дэпазітарным абслугоўванні


У перыяд пандэміі сталі актыўна выкарыстоўвацца новыя фінансавыя паслугі, для аказання якіх не трэба асабістая прысутнасць кліента.


Атрымаць даведку аб сваіх даходах, седзячы на канапе

Днямі найбуйнейшы дэпазітарый краіны забяспечыў рознічным кліентам новыя магчымасці атрымання дэпазітарных паслуг у дыстанцыйным рэжыме. Цяпер у Беларусбанку ў сістэме «Інтэрнэт-банкінг» уведзены сэрвіс афармлення запытаў на атрыманне выпіскі па рахунку «дэпо» і даведкі аб атрыманых кліентам даходах па каштоўных паперах.

Для атрымання афіцыйных дакументаў у дачыненні да каштоўных папер не патрабуецца наведванне банкаўскай установы. На падставе электроннага запыту дэпазітарый банка аформіць іх на папяровым носьбіце і накіруе дакументы заказным лістом на пазначаны кліентам адрас.

Укараненне такой тэхналогіі з'яўляецца яшчэ адным крокам лічбавізацыі дзейнасці банка па аказанні паслуг на рынку каштоўных папер — кліентам ужо даступная магчымасць у рэжыме анлайн набываць аблігацыі банка і асобных карпаратыўных эмітэнтаў, а таксама адкрываць рахунак «дэпо» і сачыць за яго станам.

Найменшыя страты кэшу

Развітая сетка Беларусбанка і банкаў-партнёраў дае кліентам шырокія магчымасці для зняцця наяўных грашовых сродкаў у любым горадзе Беларусі. Трымальнікі банкаўскіх плацежных картак гэтага банка могуць без спагнання ўзнагароджання здымаць наяўныя грашовыя сродкі ў аддзяленнях Беларусбанка, а таксама кругласутачна ў банкаматах Беларусбанка і банкаў-партнёраў: ААТ «БПС-Ашчадбанк» і ААТ «Белаграпрамбанк».

Акрамя таго, зняць наяўныя грашовыя сродкі па картцы банка магчыма і ў сетцы банкаматаў іншых банкаў. Пры гэтым звяртаем вашу ўвагу, што за правядзенне такой аперацыі будзе спаганяцца ўзнагароджанне — 2,5 % ад сумы грашовых сродкаў (мінімальна 3 адзінкі валюты (долар, еўра), 110 расійскіх рублёў, 3 беларускія рублі; па па картцы БЕЛКАРТ для выкарыстання толькі на тэрыторыі Беларусі — мінімальная ўзнагарода — 0,50 беларускага рубля).

Масава павышаюцца стаўкі па ўкладах

З 25 жніўня Беларусбанк устанаўлівае павышаныя стаўкі па тэрміновых банкаўскіх укладах у беларускіх рублях, якія адкрываюцца нанава. Што датычыцца фіксаванай стаўкі банка, то базавы дэпазіт «Класік Безадзыўны Яркі» цяпер прапануецца за 12,5 % гадавых, «Класік Безадзыўны Яркі Оn-lіnе» — 12,51 %, «Вясновы (версія 2.0)» — 12,5 %, «Інтэрнэт-дэпазіт Вясновы (версія 2.0)» — 12,51 % гадавых.

Павысілася і лінейка адзыўных укладаў тэрмінам 3—7 месяцаў: цяпер іх магчыма захаваць, дадаючы да сумы дэпазіту ад 11,1 % да 11,41 % гадавых. Больш за ўсё цяпер можна атрымаць «навару» з безадзыўных укладаў. Яны прапануюцца на тэрмін ад 9 месяцаў да пяці гадоў. Мінімальная стаўка па такіх дэпазітах складае 12,2 % гадавых, а максімальная — 13,5 %. Праўда, гэта будзе злёгку гібкая працэнтная стаўка, бо яна будзе залежаць ад такога паказчыка Нацбанка, як СКА (стаўка крэдыту авернайт).

Сяргей КУРКАЧ

Выбар рэдакцыі

Грамадства

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Беларускі Чырвоны Крыж працягвае аказваць дапамогу падчас пандэміі і іншых надзвычайных сітуацый

Каля мільёна чалавек атрымала падтрымку ў выглядзе прадуктовых набораў, ваўчараў, якія можна было «атаварыць», грашовых сродкаў, дастаўкі прадуктаў на дом, а таксама простай размовы па тэлефоне «гарачай лініі» са спецыялістам.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.