Вы тут

Iна Афанасьева: Я вельмi люблю кветкi. Усякiя!


Напэўна, многiм цяжка ўявiць народную артыстку Беларусi Iну Афанасьеву на градках, але спявачка з задавальненнем займаецца i невялiкiм агародзiкам, i раскошнымi кветнiкамi на загараднай сядзiбе.


Iна Афанасьева нiколi не хавала свае каранi — яна нарадзiлася ў вёсцы. Насамрэч яе жыццё — яскравы прыклад таго, што для таленавiтага дзiцяцi месца жыхарства значэння не мае. Iна займалася музыкай, выступала ў дзiцячым калектыве, якi шмат гастраляваў. А вось адрознiць пятрушку ад кропу, пакуль жыла ў бацькоўскiм доме, не магла. З дзяцiнства яна марыла жыць у горадзе i ажыццявiла гэтую мару адразу пасля заканчэння школы.

— А калi ў вас з'явiўся загарадны дом?

— Гадоў шэсць таму. Я проста закахалася ў тутэйшую прыроду. Наш аграгарадок раскiнуўся на беразе Бярэзiны — неверагодна прыгожае месца! Праз рэчку — Бярэзiнскi бiясферны запаведнiк, якi мы не раз наведвалi.

У гэтым доме мы вырашылi правесцi добры рамонт, каб ён стаў больш камфортны. Для мяне вельмi важна, каб было зручна i прыгожа. Цяпер нi ванна, нi газ — ужо не праблема i ў вясковым доме. Нечакана для сябе занялася агародам. Мы любiм памiдоры, а тыя, што куплялi ў краме, нават не мелi паху. Для пачатку я вырашыла пасадзiць некалькi кустоў таматаў. Нашы суседзi, хоць i вельмi занятыя людзi, знаходзяць час на агарод. Яны i мяне падахвоцiлi заняцца земляробствам. Так да памiдораў дадалося ўсё астатняе. Тут у нас вялiкi ўчастак, ёсць дзе разгарнуцца. Сталеючы, мы задумваемся пра тое, што трапляе на наш стол. Не ведаю, дзе i як вырошчваюць агароднiну i садавiну, якiя прадаюць у крамах i на рынку. Мне ж хацелася, каб мая ўнучка ела чыстыя клубнiцы.

— Агародзiк у вас хоць i невялiкi, але вельмi сiмпатычна выглядае. Няўжо i градкi полеце?

— Агарод i цяплiца арганiзаваныя паводле метаду Мiтлайдэра, якi прадугледжвае, што першы крок — гэта вызваленне зямлi ад пустазелля самым дбайным чынам. А ў вузкiх агароджаных градках яму няма дзе разгуляцца. Там у мяне расце ўсялякая зелянiна, а таксама кабачкi, травы, клубнiцы, сунiцы, буракi. У цяплiцы — памiдоры, баклажаны, перац. Мы не вырошчваем бульбу з разлiкам, каб хапiла да наступнага ўраджаю, нам яна падабаецца адразу з градкi.

— Яшчэ тут шыкоўны сад, малiннiк, ажыны. А хвойнiкi — гэта чыя iдэя?

— На шчасце, у нас з мужам супадаюць густы. Мы вырашылi пасадзiць шмат такiх дрэў, таму што прыязджаем сюды круглы год, i хочацца, каб нават позняй восенню i зiмой сад выглядаў прыгожа. Да таго ж тут пасялiлiся птушкi — так прыемна прачынацца пад iх чырыканне! Вядома, мы падкормлiваем гэтых «кватарантаў».

— Iна, а якiя-небудзь батанiчныя эксперыменты на ўчастку праводзiце?

— Мы пасадзiлi тры вiды магнолiй, сакуру. Як i абрыкосы, яны выдатна прыжылiся ў нашым клiмаце.

— Кветкi, я так мяркую, — асобная песня...

— Так, я вельмi люблю кветкi. Усякiя! У мяне растуць эксклюзiўныя ружы, рэдкiя сарты пiвоняў, касачы, цюльпаны, гладыёлусы, некалькi вiдаў гартэнзiй, хрызантэмы. Люблю i самыя звычайныя кветкi — напрыклад, флёксы. Калi яны цвiтуць, то нiбыта пакрываюцца белай пенай...

— Вы цяпер жывяце на дзве краiны. Нехта дапамагае сачыць за агародам, раслiнамi?

— Нашы сябры, яны ж i суседзi. Ведаеце, мы звычайна кажам — маўляў, паедзем на лецiшча,
адпачнём. А прыязджаем — заўсёды ёсць нейкiя справы. Але ўсе яны ў радасць, бо ты бачыш вынiк. Летнiм вечарам можна запалiць мноства лiхтарыкаў, павячэраць на вулiцы — гэта так цудоўна!

— Ваш сын з нявесткай прыязджаюць, дапамагаюць?

— Яны прыязджаюць, калi ўсё зроблена (смяецца). Мая галоўная памочнiца — унучка Вара. У яе ёсць дзiцячы садовы iнвентар, яна любiць палiваць кветкi i градкi з маленькай палiвачкi.

— Iна, у вас, мне здаецца, заўсёды былi сабакi, вы дапамагалi i бяздомным жывёлам...

— Цяпер мы жывём наездамi — то ў Мiнску, то ў Санкт-Пецярбургу, шмат падарожнiчаем. У такiх абставiнах сабаку трэба альбо трымаць у гасцiнiцы для жывёл, альбо вазiць за сабой. I адно, i другое вырывае яго са звыклага асяроддзя, стварае стрэсавую сiтуацыю. Таму пакуль у нас няма гадаванца. Зрэшты, тут часам заходзiць у госцi каток. Ён такi незалежны, гуляе сам па сабе, заўсёды знаходзiць дом, дзе яму рады i смачна кормяць.

— Ваш дом знаходзіцца ў вялiкiм аграгарадку. Як складваюцца адносiны з суседзямi?

— Даволi добразычлiва. Нiякай нездаровай цiкаўнасцi — маўляў, суседка ж артыстка — на шчасце, не заўважаю.

— А цi не дакучаюць адпачывальнiкi на прыродзе або рыбакi, якiя, як я бачу, зусiм непадалёк размясцiлiся?

— Тут ёсць праблема... Мы аднойчы з мужам выйшлi да ракi пагуляць i проста былi шакiраваныя неверагоднай колькасцю пластыкавых бутэлек, раскiданых па беразе. Мiжволi задумалiся пра тое, што пасля сябе пакiне наша цывiлiзацыя. Я тады сказала: «Не хачу, каб праз пяцьсот гадоў людзi прыйшлi ў музей i даведалiся, што ў культурным пласце XXI стагоддзя археолагам удалося знайсцi толькi пластыкавыя бутэлькi!» Муж падумаў, што трэба было б купiць пару кантэйнераў, мяшкi для смецця i абсталяваць пляцоўку. Але, аказваецца, фiзiчная асоба самавольна не можа гэтага зрабiць. Так што ўжо некалькi гадоў запар мы самi ладзiм суботнiкi, прыбiраем прырэчную тэрыторыю. Хочацца верыць, што ўсё-ткi культура людзей паволi павышаецца, i сёлета нам хопiць аднаго мяшка для «трафеяў».

Мы не чакаем, што хтосьці прыйдзе i зробiць. Калi быў ураган i дрэвы ўпалi проста на дарогу, мы наймалi людзей, якiя лiквiдавалi наступствы разгулу стыхii.

— А як вы ставiцеся да такiх акцый, як, напрыклад, «Уладкуем малую радзiму»?

— Вельмi добра! Гэта яшчэ адзiн спосаб нагадаць людзям, што жыццё не заканчваецца за iх брамкай. Не так гэта складана i затратна — пасадзiць кветкi за сваiм плотам, а не выкiдваць туды смецце. Думаю, што ў нас усё ж больш людзей, якiя любяць сваю краiну, таму займаюцца добраўпарадкаваннем i падтрымлiваюць чысцiню.

Маргарыта ДРАЗДОВА

Фота з асабiстага архiва Iны Афанасьевай

Выбар рэдакцыі

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.