Вы тут

Хатняя энцыклапедыя


Фаршыраваны перац

Спатрэбiцца: балгарскi перац — 3 кг, квяцiстая капуста — 1,5 кг, цыбуля — 0,5 кг, морква — 1,5 кг, баклажаны — 1,5 кг, алей — 150 мл. Марынад: вада — 1 л, воцат 9 % — 350 мл, цукар — 350 г, соль — 2 ст. л., па 7 гарошын духмянага i чорнага перцу, часнок.

Моркву ачысцiць, надраць на буйной тарцы. Баклажаны нарэзаць тоненькiмi брусочкамi. Цыбулю ачысцiць i парэзаць кубiкамi.

На алеi абсмажыць цыбулю, моркву i баклажаны. Пасалiць, паперчыць на смак i давесцi да гатоўнасцi. Адставiць астуджацца.

З перцаў выдалiць хвосцiкi так, каб атрымалiся «мiсачкi» для начынкi.

Бланшыраваць iх у кiпячай вадзе 2-3 хвiлiны.

Квяцiстую капусту разабраць на суквеццi i адварыць 5 хвiлiн. Астудзiць.

У кожны перац пакласцi начынку i прыкрыць яе суквеццем капусты, добра ўцiскаючы, каб агароднiна не выпадала.

Прыгатаваць марынад: у каструлi давесцi да кiпення ўсе iнгрэдыенты i варыць 5 хвiлiн.

На дно кожнага слоiка можна нарэзаць 1—2 зубчыкi часнаку. Можна па жаданнi дадаць для пiкантнасцi некалькi невялiкiх кавалачкаў горкага перцу.

Фаршыраванымi перцамi напоўнiць слоiкi. Залiць кiпячым марынадам. Прыкрыць вечкамi i стэрылiзаваць 15 хвiлiн. Закатаць слоiкi, перавярнуць уверх дном i пакiнуць астываць.

Зялёныя памiдоры ва ўласным соку

Спатрэбiцца: памiдоры — 1 кг, перац балгарскi — 5-6 штук (можна менш), часнок — 5 зубчыкаў, зяленiва — якое падабаецца, напрыклад хрэн i горкi перац. Для марынаду: вада — 1,5 л, соль — 2 ст. л., цукар — 2 ст. л., воцат — 3 ст. л.

Памiдоры парэзаць на долькi, перац — на кавалачкi памерам прыкладна 2х2 см або саломкай, зяленiва пасекчы, часнок прапусцiць праз часночнiцу або дробна парэзаць, горкi перац нарэзаць дробна. Прыгатаваць марынад, змяшаўшы ўсе iнгрэдыенты i давёўшы да кiпення (воцат дадаць, калi расол закiпiць). У каструлi старанна змяшаць агароднiну i зяленiва i залiць гарачым марынадам. Накрыць талеркай i зверху палажыць груз. Пакiнуць на суткi — i можна есцi. А можна па стэрыльных слоiках раскласцi пад полiэтыленавыя вечкi i захоўваць у халадзiльнiку або ў склепе.

Або больш пiкантны варыянт

Спатрэбiцца: памiдоры зялёныя — 1 кг, соль — 1 ст. л., цукар — 1 ст. л., воцат — 70 мл, часнок — 5—7 зубчыкаў, перац горкi — 1-2 штукi, зяленiва пятрушкi i сельдэрэю.

Вымытыя агароднiну i зяленiва трэба падрыхтаваць: памiдоры разрэзаць на долькi, зяленiва пасекчы, часнок прапусцiць праз часночнiцу або дробна парэзаць, горкi перац нарэзаць дробна. Усё змяшаць i пакiнуць на пару гадзiн пры пакаёвай тэмпературы. Напоўнiць слоiкi атрыманай нарыхтоўкай. Вады не дадаваць нi кроплi. Накрыць вечкам i пакiнуць у пакоi на суткi. Потым — у халадзiльнiк.


Як лёгка ачысцiць кафлю ад плям

Прапануем некалькi падказак, якiя дапамогуць ачысцiць кафлю, выдалiць бруд памiж швамi, а таксама захаваць глянцавы бляск i ахайны выгляд рабочай сцяны.

Спосаб 1

Неабходна развесцi ў 4 л вады 4 ст. л. буры (парашок можна набыць у аптэцы цi ў крамах для садаводаў), 100 мл воцату i 100 мл нашатырнага спiрту. Намачыце плiтку атрыманым сродкам i злёгку патрыце. Раствор лёгка выдалiць любыя забруджваннi i не пакiне разводаў.

Спосаб 2

Растварыце ў 0,5 л вады 3 ст. л. соды. Атрыманы сродак нанясiце на губку, а затым пратрыце ёй паверхню. Для ачысткi швоў выкарыстоўвайце старую зубную шчотку, змочаную ў содавым растворы.

Спосаб 3

Вазьмiце кавалачак лiмона i пратрыце забруджаныя ўчасткi. Праз 15 хвiлiн лiмонны сок размякчыць тлушч, i  яго можна будзе лёгка выдалiць губкай.

Спосаб 4

Асаблiва застарэлыя тлустыя плямы можна нацерцi содавай кашкай, а затым распылiць на iх воцат. Пасля таго як адбудзецца рэакцыя, проста пратрыце паверхню мяккай анучкай. Воцат не толькi добра выдаляе тлушч, але i надае керамiчнай паверхнi бляск.

Спосаб 5

Калi швы памiж плiткамi пастаянна забруджваюцца, скарыстайцеся простым трукам: вымыйце iх адным з прапанаваных спосабаў, дайце высахнуць i натрыце звычайнай парафiнавай свечкай. Такую ж працэдуру можна зрабiць i з кафляй у ваннай, дзе швы часта пакрываюцца цвiллю.

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.