«Звязда» папрасіла члена Пастаяннай камісіі Палаты прадстаўнікоў па адукацыі, культуры і навуцы Таццяну Аўтухову адказаць, што, на яе думку, увабрала ў сябе паняцце «дзяржаўная ідэалогія» ў сферы адукацыі:
«Дзяржаўнай ідэалогія — гэта перад усім прывіццё маладому пакаленню любові да Радзімы, нацыянальных сімвалаў, павагі да гістарычнай і культурнай спадчыны, разнастайнасці свету, любові да малой радзімы, павагі да старэйшых, асаблівай увагі да ветэранаў, — лічыць парламентарый. — Выкладчыкі ў сваёй штодзённай дзейнасці сцвярджаюць гэтыя каштоўнасці.
З сітуацыі, якая адбываецца сёння, мы вынесем урокі, прааналізуем, чаму так адбылося, што наша моладзь схільная да такога знешняга ўплыву. Няправільна сказаць, што неабходна выбудоўваць ідэалагічную работу ва ўстановах адукацыі, бо яна існуе: на ўроках рэалізуецца трыадзіная мэта — адукацыйная, развіваючая і выхаваўчая. І апошняй удзяляецца асаблівая ўвага на кожным уроку, пазакласным мерапрыемстве, ва ўстановах дадатковай адукацыі. Чаму дзеці апошнім часам аказаліся ўцягнутыя ў палітыку? Тут яшчэ неабходна разабрацца. Сказаць, што была паслаблена выхаваўчая работа ў галіне адукацыі? Я так не лічу, асабліва гэтым займаліся напярэдадні 75-годдзя Вялікай Перамогі.
Сёння задача ўсёй педагагічнай грамадскасці — арганізавана пачаць вучэбны год. Настаўніку трэба разумець, што ён будзе вучыць тых, хто «за» і хто «супраць», і менавіта яму неабходна тых, хто памыляецца, пераканаць».
Думаць пра тое, чым харчуецца ваша дзіця ў школе, гэтак жа важна, як і пра тое, якім прадметам яго там вучаць.
Адной з найбольш даступных і захапляльных моў дыпламатыі з'яўляецца спорт.
Міжнародны дзень тэатра добра было б адзначыць у глядзельнай зале.
Разбіраемся разам з урачом па медыцынскай прафілактыцы.
