Вы тут

Як пякуць хлеб


— Праходзьце, калі ласка, толькі без спецыяльнай экіпіроўкі ў цэх не пусцім, — ветліва кажа Марыя КІШКУРНА, начальнік вытворча-тэхналагічнай лабараторыі хлебазавода № 6 КУП «Мінскхлебпрам». Менавіта яна праводзіць экскурсію. — Самае першае, з чаго пачынаецца доўгі і цікавы працэс вырабу прадукцыі — гэта паступленне на хлебазавод якаснай сыравіны: мукі, цукру, дражджэй, соладу, кмену, солі. За гэтую якасць адказвае вытворча-тэхналагічная лабараторыя.


Перад пачаткам падрыхтоўкі паўфабрыкатаў і цеста ўся сыравіна праходзіць стадыю прасейвання сухіх кампанентаў, падрыхтоўкі цукровага і салявога раствору. Далей — заквасачнае і мясільнае аддзяленні. Пасля таго як гатовае цеста выбрадзіць (гэта яшчэ прыкладна гадзіна), яно паступае на фармоўку. А там — да іншых стадый прыгатавання.

— Уся вытворчасць аўтаматызаваная. Хлеб робіцца на заквасцы па чатырохэтапным цыкле. Кожнае цеста замешваецца ў залежнасці ад рэцэптуры. Напрыклад, на падрыхтоўку жытне-пшанічнага хлеба ідзе ад дзесяці да васямнаццаці гадзін. Пшанічнага — у залежнасці ад спосабу прыгатавання цеста — да пяці гадзін. На хлебазаводзе выпускаюцца розныя віды белага і чорнага хлеба (з жытняй, пшанічнай мукі і сумесі жытняй і пшанічнай), таксама вялікі асартымент кандытарскіх вырабаў. Штогод попыт на нашу прадукцыю павялічваецца. Мы заўсёды праводзім маркетынгавыя даследаванні, перад тым як распрацоўваць новы выраб. Такі працэс не вельмі хуткі: трэба вывучыць пакупніцкі попыт, стварыць новую рэцэптуру, вырабіць пробныя выпечкі, правесці дэгустацыі і ўкараніць вынік у вытворчасць, — удакладняе Марыя Кішкурна.

Апошнія навінкі хлебазавода — хлеб «Трыумф» і «Елісейскі». Таксама многім даспадобы «Бабулін» ад хлебазавода №2 без дабаўлення Е-кансервантаў і «Радніковы новы» ад хлебазавода «Аўтамат». Спецыяліст расказала, што цяпер карыстаецца попытам і саладкаваты хлеб з рознымі дапаўненнямі: кунжутам, семкамі і іншым.

Пе­кар-май­стар Ве­ра­ні­ка Ваш­ке­віч  і на­чаль­нік вы­твор­чай тэх­ніч­най ла­ба­ра­то­рыі Ма­рыя Кіш­кур­на.

— Мы на гэта арыентуемся. Робім акцэнт на натуральную прадукцыю, дзе менш харчовых дабавак або яны адсутнічаюць. Людзі цяпер больш сочаць за правільным харчаваннем, і хлебапёкі павінны гэта ўлічваць. Аднак не забываем, што галоўнае — традыцыі, таму звычайны жытні або жытне-пшанічны хлеб карыстаецца папулярнасцю заўсёды.

Пасля ўсіх этапаў сыравіна праходзіць пільны лабараторны кантроль. Кожную партыю хлеба чакае праверка на адпаведнасць розных паказчыкаў: гэта і пах, і смак, і колер, і стан мякішу. Толькі потым прадукцыя пакуецца і адпраўляецца па крамах.

Кожныя суткі хлебазавод № 6 КУП «Мінскхлебпрама» вырабляе да 60 тон прадукцыі, у тым ліку каля 40 тон хлеба і 4,4 тоны кандытарскіх вырабаў. За гэты год плануецца выпусціць больш за 20 тысяч тон. Колькасць работнікаў, якія заняты на хлебазаводзе, — прыкладна 400 чалавек, з якіх 75 працэнтаў — жанчыны. Усяго КУП «Мінскхлебпрам» рэалізоўвае каля 100 тысяч тон хлебапрадукцыі ў год. Яна адпраўляецца не толькі ў Расію, але і ў Азербайджан, Арменію, Латвію, а таксама ў Ізраіль, Іарданію і В'етнам.

Дар'я ШЛАПАКОВА

Фота Яўгена ПЯСЕЦКАГА

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.