Вы тут

На гродзенскiм напрамку праходзiць тактычнае комплекснае вучэнне


З 28 да 31 жнiўня на гродзенскiм напрамку праходзiць тактычнае комплекснае вучэнне. Падчас яго перамяшчаецца даволi вялiкая колькасць ваеннай тэхнiкi. Яна паедзе па дарогах агульнага прызначэння Гродзенскага раёна, што можа часова ўскладнiць па iх рух.


Так, у суботу будуць часова перакрыты дарожныя напрамкi Фолюш — Падлабенне — Пушкары — Зарачанка — Каўбаскi — Белыя Балоты. У нядзелю — Дайлiдкi — Жукевiчы, Бросты — Саломенка, Дайлiдкi — Квасоўка, Каменка — Каўпакi, Сухменi — Зарубiчы.

— Заклiкаем жыхароў населеных пунктаў i кiроўцаў транспартных сродкаў быць як мага больш уважлiвымi, а таксама браць пад увагу ўмовы надвор'я, — адзначылi ў Мiнiстэрстве абароны.

Тым часам у беларускай армii працягваюцца планавыя мерапрыемствы баявой падрыхтоўкi на палiгонах i асобных участках мясцовасцi. У склад групоўкi, задзейнiчанай на вучэннях, уключаны механiзаваныя, танкавыя, парашутна-дэсантныя, артылерыйскiя, iнжынерныя падраздзяленнi. Таксама ўдзельнiчаюць разлiкi беспiлотных авiяцыйных комплексаў i радыёэлектроннай барацьбы.

— Задачы па прызначэннi выконваюць разведвальныя падраздзяленнi 11-й асобнай механiзаванай брыгады, — праiнфармавалi ў прэс-службе ваеннага ведамства. — Падраздзяленнi 465-й ракетнай брыгады i 336-й рэактыўнай артылерыйскай брыгады вядуць заняткi па прадметах баявой падрыхтоўкi i нясуць баявое дзяжурства. Кантрольныя заняткi па агнявой падрыхтоўцы ў гэтыя днi праходзяць на Абуз-Лясноўскiм палiгоне з мотастралковымi i танкавымi падраздзяленнямi 6-й асобнай механiзаванай брыгады. Мотастралковы батальён са сродкамi ўзмацнення 19-й асобнай механiзаванай брыгады задзейнiчаны на батальённых тактычных вучэннях на Барысаўскiм палiгоне. Яны адбываюцца з баявой стральбой. Кантрольныя заняткi па спецыяльнай падрыхтоўцы адбываюцца на палiгоне Даманава з зенiтнымi ракетнымi артылерыйскiмi дывiзiёнамi 6-й i 11-й асобных механiзаваных брыгад.

Дзяржаўную гранiцу ў паветранай прасторы ахоўваюць лётчыкi на самалётах Як-130 116-й штурмавой авiяцыйнай базы.

Валяр'ян ШКЛЕННIК

Загаловак у газеце: Вучэннi на гродзенскiм напрамку

Выбар рэдакцыі

Эканоміка

Жалезнае братэрства. Як развіваецца супрацоўніцтва Беларусі і Кітая?

Жалезнае братэрства. Як развіваецца супрацоўніцтва Беларусі і Кітая?

29 гадоў таму былі ўстаноўлены дыпламатычныя адносіны паміж нашымі краінамі.

Грамадства

Матывацыя праз гейміфікацыю, або як працуюць механізмы гульні ў адукацыі

Матывацыя праз гейміфікацыю, або як працуюць механізмы гульні ў адукацыі

Вядома, што гульня здольная захапіць усю ўвагу чалавека і не адпускаць яе доўгі час.

Культура

Падмурак Трэцяга Рэнесансу закладваецца ва Узбекістане

Падмурак Трэцяга Рэнесансу закладваецца ва Узбекістане

У Ташкенце прайшлі Тыдзень культурнай спадчыны Узбекістана і ІV Міжнародны кангрэс Сусветнага таварыства па вывучэнні, захаванні і папулярызацыі культурнай спадчыны Узбекістана «Культурная спадчына Узбекістана — падмурак новага Рэнесансу».

Грамадства

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елку можна секчы, але нельга спальваць у печы. Чым небяспечныя хвойныя дрэвы і што з імі рабіць, асабліва пасля свят

Елкі, вывезеныя на смеццевыя палігоны, падчас гніення выдзяляюць у асяроддзе шкодныя рэчывы не горш за пластык.