Тэма суайчыннiкаў заўсёды мае свае актуалii. Гiсторыя папярэднiх дзесяцiгоддзяў, савецкi перыяд часу, ды i ранейшыя стагоддзi накладвалi сваю пячатку на мiграцыйныя працэсы. I беларусы, як высвятляецца, паўсюль былi запатрабаваныя. Таму i ўвага дзяржавы да стварэння гiсторыi гэтых працэсаў — i дакументальнай, i мастацка-публiцыстычнай — выяўляецца заўсёды.
Як прыклад — наступны праект. Выдавецкi дом «Звязда» выконвае падпраграму «Беларусы замежжа» Дзяржаўнай праграмы «Культура Беларусi». У яе межах, пачынаючы з 2017 года, пабачылi свет некалькi тамоў у агульнай серыi «Адрасы Беларусi ў свеце».
Вось i сёлета пры падтрымцы Мiнiстэрства iнфармацыi Рэспублiкi Беларусь i Мiнiстэрства замежных спраў нашай краiны павiнна выйсцi кнiга «Родны небасхiл у сэрцы» ў дзвюх частках. У першай будзе iсцi расповед пра лёсы нашых суайчыннiкаў у Расii, пра тыя мясцiны Расii, якiя так цi iначай звязаны з Беларуссю. Другая частка, другi том — пра беларускую повязь з краiнамi Цэнтральнай Азii: Казахстанам, Кыргызстанам, Туркменiстанам, Таджыкiстанам, Узбекiстанам.
Чытача чакае сустрэча з лёсамi пiсьменнiкаў, археолагаў, падарожнiкаў, вучоных розных спецыяльнасцяў, акцёраў, рэжысёраў, мастакоў, якiя засведчылi сябе справамi ў розных старонках свету. Назавём iмёны хоць бы некаторых нашых суродзiчаў, пра якiх расказваюць розныя аўтары, — Мiкола Калiнковiч, Мiхась Карпенка, Зiнаiда Марская, Мiкiта Брылёў, Сяргей Юрэнеў...
Сяргей ШЫЧКО
Прэв’ю: ru.freepik.com
Методыка аказалася запатрабаванай у нашай краіне і за яе межамі.
Лёс другога зборніка ў літаратарскай кар’еры — самы складаны.
На пытанні «Звязды» адказвае галоўны рэдактар расійскага літаратурнага часопіса «Москва».
Ужо традыцыя з нагоды Дня роднай мовы прапаноўваць чытачам праверыць свае веды.
