Вы тут

У Мінску прайшоў велапрабег з удзелам вядомых спартсменаў


Увечары 28 жніўня ў Мінску прайшоў велапрабег, які пачаўся ад знакавых месцаў сталіцы: Нацыянальнай бібліятэкі, стэлы «Мінск Горад-герой», Камсамольскага возера, ад будынка футбольнага клуба «Мінск», Нацыянальнага алімпійскага камітэта, Палаца тэніса. Велапрабег прайшоў па праспекце Пераможцаў, фінальнай кропкай для ўсіх удзельнікаў стала пляцоўка перад «Мінск-Арэнай».


Па вуліцах сталіцы на веласіпедах праехалі члены БРСМ — студэнты, маладыя спецыялісты і ўсе жадаючыя. У забегу прынялі ўдзел вядомыя спартсмены: алімпійскі чэмпіён Аляксандр Багдановіч, бронзавы прызёр Алімпійскіх гульняў у ў Афінах Наталля Цылінская, бронзавы прызёр алімпіяды ў Пекіне Анастасія Пракапенка і іншыя. Не засталіся ў баку кіраўнікі спартыўнай галіны: першы віцэ-прэзідэнт НАК Беларусі Віктар Лукашэнка, міністр спорту і турызму Беларусі Сяргей Кавальчук, старшыня АБФФ Уладзімір Базанаў, старшыня Беларускай федэрацыі баскетбола Уладзімір Рыжанкоў, начальнік галоўнага ўпраўлення спорту і турызму Мінгарвыканкама Міхаіл Пракапенка. Разам са спартоўцамі ў велапрабегу ўдзельнічаў і віцэ-прэм’ер урада Беларусі Ігар Петрышэнка.

«Беларускія спартсмены заўсёды імкнуцца высока несці сцяг роднай краіны. За апошнія дзесяцігоддзе ў нашай краіне зроблена нямала для таго, каб паказваць высокія вынікі. Упэўнены, беларускі спорт здольны дамагчыся яшчэ гучных перамог з дапамогай падтрымкі дзяржавы», — адзначыў галоўны трэнер нацыянальнай каманды па цяжкай атлетыцы Віктар Шаршукоў.

Упрыгожылі фінал спартыўнага свята парашутысты ДТСААФ, якія разгарнулі ў небе над «Мінск-Арэнай» дзяржаўны сцяг.

Валерыя СЦЯЦКО

Фота: НАК Беларусі

Выбар рэдакцыі

Грамадства

Азеляненне. У гарадах, на сельгаспрадпрыемствах, могілках, уздоўж трас і ў дварах

Азеляненне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.